وادی میں تشدد کی نئی لہر شروع ہونے کا خدشہ
آرٹیکل 370 کا خاتمے کا مقصد کشمیر کی مسلمان اکثریت والی شناخت تبدیل کرنا ہے. کشمیری شہری
میاں محمد ندیم منگل 6 اگست 2019 15:52
(جاری ہے)
خیال رہے کہ بھارتی حکومت نے کشمیر کی خصوصی حیثیت ختم کرنے یکطرفہ فیصلے کے بعد بھی کشمیر کی ہر گلی ہر موڑ پر بھاری تعداد میں سیکیورٹی اہلکاروں تعینات کر کے وادی کو جیل میں تبدیل کردیا ہے. واضح رہے کہ بھارتی حکومت نے آئینی دفعہ ختم کرنے کے ردِ عمل میں احتجاج کے پیشِ نظر کشمیر میں کرفیو نافذ کررکھا ہے جس کے لیے گزشتہ روز مزید8 ہزار سے زائد فوجی اہلکاروں کو خطے میں بھیج دیا گیا تھا. اتوار سے اب تک مقبوضہ کشمیر میں تمام تعلیمی ادارے بند، انٹرنیٹ، موبائل فون سمیت لینڈ لائن سروسز معطل ہیں جس کے باعث پوری وادی بیرونی دنیا سے بالکل کٹ کر رہ گئی ہے. مذکورہ سہولیات نہ ہونے کے سبب مقامی اخبارات آن لائن اشاعت نہیں کرسکے جبکہ کرفیو اور دیگر سختوں کے باعث اخبارات بھی شائع نہیں ہوسکے. اس کے ساتھ روز مرہ کی غذائی اشیا کی قلت ہے، رہائشیوں کی دودھ اور دیگر ڈیری مصنوعات سمیت ادویات تک رسائی مشکل ہوگئی ہے جبکہ گزشتہ کئی روز سے کاروبار بند ہونے کے باعث تاجر برادری بھی ہاتھ پر ہاتھ دھرے بیٹھی ہے. وادی کی صورتحال کے بارے میں آگاہ کرتے ہوئے کشمیر سے تعلق رکھنے والی سماجی رضاکار شہلا رشید کا کہنا ہے کہ 40 گھنٹے سے زائد ہوگئے جب ہم نے گھر پر بات کی تھی، گھر کے بارے میں شدیدپریشان اور گھر والوں کی خیریت سے ناواقف ہوں. انہوں نے کہا کہ لوگ بیرونِ ملک سے عید منانے گھروں کو لوٹ رہے ہیں لیکن انہیں معلوم نہیں کہ وہ واپس کیسے جائیں گے‘اس ضمن میں ایک استاد نے اپنا نام نہ ظاہر کرنے کی شرط پر موجودہ بحران کا ذمہ دار بھارت کی حمایت کرنے والی سیاسی پارٹیوں کو دیا، ان کا کہنا تھا کہ آج ایسا محسوس ہورہا ہے کہ جیسے ہم نے اپنی شناخت کھو دی ہے. انہوں نے کہا کہ ہم نہیں جانتے کے کرفیو ختم ہونے کے بعد کیا صورتحال ہوگی لیکن ہمیں محسوس ہوریا ہے کہ ہم بہت برے وقت کی جانب بڑھ رہے ہیں، میرے 2 بچے وادی سے باہر زیرتعلیم ہیں جن سے کوئی رابطہ نہیں ہے مجھے معلوم ہے کہ وہ بھی اس صورتحال سے پریشان ہوں گے اور مجھے بھی نہیں معلوم کہ وہ کیسے ہیں. علاوہ ازیں کشمیری رہنما سید علی گیلانی اور میر واعظ عمر فاروق سمیت پوری حریت قیادت نظر بند ہے جبکہ دو سابق وزراءاعلیٰ محبوبہ مفتی اور عمرعبداللہ گرفتار ہیں. دوسری جانب وادی چناب کے ضلعی مجسٹریٹ نے رات گئے احکامات جاری کرتے ہوئے مقامی افراد کو گھروں میں رہنے اور کہیں بھی کسی بھی شہری کو باہر نہ نکنے کی ہدایت کی جبکہ علاقہ کا داخلی راستہ مکمل سیل کر کے کسی بھی گاڑی کو اندر آنے اور باہر جانے کی اجازت نہیں دی جارہی. اس حوالے سے ایک اور خاتونِ خانہ کا کہنا تھا کہ کیا آرٹیکل 370 ختم کرنے سے دہائیوں سے جاری کشمیری جدوجہد ختم ہوجائے گی؟ میں اس بات پر یقین نہیں رکھتی. دوسری جانب بھارتی حکومت کے فیصلے خلاف لوگ سخت مضطرب اور برہم ہیں، ایک مقامی سرگرم کارکن کا کہنا تھا کہ بھارتی حکومت کے فیصلے کے سخت مضمرات سامنے آئیں گے، وفاقی اکائیاں ریاستی اختیارات مانگ رہی ہیں جبکہ ہماری ریاست کو وفاقی اکائیوں میں تبدیل کرنے کے لیے 2 حصوں میں تقسیم کر دیا گیا.
مزید اہم خبریں
-
ایرانی صدر سید ابراہیم رئیسی کی لاہور آمد، وزیر اعلیٰ مریم نواز شریف کا ایرانی صدر کا پرتپاک استقبال
-
پاکستان چھوڑنے والے غیرقانونی افغانیوں کی تعداد 5 لاکھ 42 ہزار سے متجاوز
-
متنازع ٹوئٹس کیس، اعظم سواتی حاضری لگا کر عدالت سے چلے گئے
-
آصفہ بھٹو ایرانی خاتون اوّل کے ساتھ مصروف رہیں
-
190 ملین پاؤنڈز ریفرنس،عمران خان، بشریٰ بی بی کیخلاف مزید 6 گواہوں کے بیان قلمبند
-
میرا خیال ہے دو تین سال اور گزرے تو نیب سے ہمیں پنشن لینا پڑے گی، شاہد خاقان عباسی
-
سوئیڈش کمپنیاں پاکستان آنے سے پہلے مجھ سے سیکیورٹی کا پوچھتی ہیں، سوئیڈش سفیر
-
چینی کی قیمت کی ڈبل سینچری ہو جانے کا امکان
-
بطور ڈاکٹر بشریٰ بی بی کے ٹیسٹ کو دیکھ کر سلوپوائزنگ سے انکار نہیں کرسکتا
-
وزیراعظم شہباز شریف کا 28 اپریل کو دورہ سعودی عرب متوقع
-
بیرسٹر گوہر کا بشریٰ بی بی کی دورانِ قید بگڑتی صحت پر تشویش کا اظہار
-
سپیکر قومی اسمبلی سے سعودی عرب کے سفیر کی ملاقات، پاک سعودی تعلقات کومزید وسعت دینے کے عزم کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.