مظفرگڑھ،ٹائر نکل جانے سے رکشا الٹ گیا، رکشے میں سوار نوجوان جاں بحق

جمعرات اگست 15:07

مظفرگڑھ (اُردو پوائنٹ اخبارتازہ ترین - اے پی پی۔ 08 اگست2019ء) رکشا کا ٹائر نکل جانے سے رکشا الٹ گیا رکشے میں سوار نوجوان حادثے میں جاں بحق ھو گیا۔

(جاری ہے)

تفصیل کے مطابق مظفرگڑھ کے قریبی علاقے دائرہ دین پناہ کا رہائشی محنت کش محمد ابراھیم ولد غلام علی قوم آرائیں سکنہ محلہ عید گاہ دائرہ دین پناہ جو کہ اپنے گھر والوں کے ساتھ رکشہ پر دربار پیر جگی شریف سے زیارت کر کے واپس آرہے تھے راستے میں رکشہ کا اچانک ٹائر نکلنے کی وجہ سے رکشا الٹ گیا۔

حادثے میں رکشا میں سوار محمد ابراھیم موقع پر جابحق ہو گیا، جبکہ رکشہ ڈرائیور کو زخمی حالت میں تحصیل ہسپتال کوٹ سلطان میں منتقل کر دیا گیا ھے، جسکی حالت خطرے سے باہر بتائی جا رھی ھے۔ محمد ابراھیم کے ورثاء نے رکشہ ڈرائیور کو معاف کردیا ھے۔ کوٹ سلطان پولیس نے قانونی کارروائی کر کے لاش ورثاء کے حوالے کر دی ھے۔