راولپنڈی چیمبر آف کامرس کا فنانس بل کی شق108میں چھوٹ کا مطالبہ

ہفتہ 10 اگست 2019 18:13

راولپنڈی۔ (اُردو پوائنٹ اخبارتازہ ترین - اے پی پی۔ 10 اگست2019ء) راولپنڈی چیمبر آف کامرس کے سینئر نائب صدر محمد بدر ہارون نے ایف بی آر سے مطالبہ کیا ہے کہ فنانس بل کی شق 108بی میں رعایت دے کر تیس ستمبر تک چھوٹ دی جائے۔

(جاری ہے)

چیمبر میں پینٹ ایسو سی ایشن کے وفد سے گفتگو کرتے ہوئے انہوں نے کہا کہ شیڈول تھری میں آنے والے آئٹمز خاص طور پر پینٹ مینو فیکچررز کو موقع دیا جائے تاکہ ڈسٹری بیوٹرز، ڈیلرز اور ریٹیلرز کو سیلز ٹیکس میں رجسٹریشن کے لیے آمادہ کیا جا سکے اور وہ 2018کے سالانہ انکم ٹیکس گوشوارے جمع کروا کرفعال ٹیکس دہندہ فہرست( ATL) میں شامل ہو سکیں۔

اس کے ساتھ ساتھ ہم ان کو بطور نان فائلر اور بغیر سیلز ٹیکس رجسٹریشن نمبر کے نقصانات سے بھی آگاہی دے سکیں۔ محمد بدر ہارون نے کہا کہ ہمیں امید ہے کہ معیشت کو دستاویزی شکل دینے کے لیے حکومت تاجروں کو مہلت دے گی۔

Facebook Twitter Google + Share on Whatsapp

راولپنڈی چیمبر آف کامرس کا فنانس بل کی شق108میں چھوٹ کا مطالبہ

متعلقہ عنوان :

مزید تجارتی خبریں