مقبوضہ کشمیر،سرینگر میں ہزاروں افرادکا بھارت کے خلاف احتجاجی مظاہرہ
بھارتی فورسزکا مظاہرین کے خلاف طاقت کا وحشیانہ استعمال ، متعد دزخمی
ہفتہ 10 اگست 2019 18:37
(جاری ہے)
بھارتی فوجیوں اور پولیس اہلکاروں نے مظاہرین پر گولیاں اور پیلٹ چلائے اور آنسو گیس کے گولے داغے اور انہیںآئیوا پل کے پاس سے واپس دھکیلنے کی کوشش کی جس کے نتیجے میں متعدد مظاہرین زخمی ہو گئے۔
آئیواپل کے پاس جب قابض بھارتی فورسزاہلکاروں نے مظاہرین پر پیلٹ اور آنسو گیس کے گولے چلائے تو کئی خواتین اور بچوں نے پانی میںچھلانگیں لگا دیں۔ بی بی سی اردو سروس نے بھارتی پولیس ذرائع کا حوالہ دیتے ہوئے کہا ہے کہ گزشتہ چند روزکے دوران بڑے مظاہروں کے ایک سو سے زائد واقعات پیش آئے اور اس دوران بھارتی فوجیوں کی طرف سے مظاہرین پر طاقت کے وحشیانہ استعمال کے نتیجے میںبیسیوں افراد زخمی ہو گئے۔ بی بی سی کی نمائندہ گیتا پانڈے نے جنہوںنے دو دن تک کشمیر کے مختلف علاقوں کا دورہ کیا، ایک رپورٹ میں کہا ہے کہ بندوقوں سے لیس ہزاروں فوجی سنسان سڑکوں پر گشت کررہے ہیںجن پرخاردارتاریں لگاکر رکاوٹیں کھڑی کی گئی ہیںجبکہ علاقے کے لوگ گھروں میں محصور ہوکر رہ گئے ہیں۔ دریں اثناء مقبوضہ کشمیر میں مواصلات کے تمام ذرائع ہفتے کو مسلسل چھٹے روز بھی معطل ہیں اور قابض انتظامیہ نے انٹرنیٹ اور ٹیلیفون کے رابطے منقطع اور سخت پابندیاں عائد کررکھی ہیں۔ سید علی گیلانی اور میر واعظ عمر فاروق سمیت تقریباً تمام حریت رہنما گھروں اور تھانوں میں نظر بند ہیں۔ بھارت نواز سیاست دانوں فاروق عبداللہ ، عمر عبداللہ ، محبوبہ مفتی اور سجاد لون سمیت 800سے زائد سیاسی رہنمائوں اور کارکنوں کو حراست میں لیا گیاہے۔ ذرائع مواصلات کی معطلی کی وجہ سے وادی کشمیر کی صورتحال مزید ابتر ہوچکی ہے اورلوگوں کواشیائے ضروریہ کی شدید قلت کا سامنا ہے۔ بھارتی ریاستوں سے آئے ہوئے ہزاروں مزدورمقبوضہ کشمیر سے بھاگ رہے ہیںکیونکہ انہیں ڈر ہے کہ دفعہ 370کی منسوخی اورجموںوکشمیر کو دوحصوں میںتقسیم کرنے کے بھارتی اقدام کے خلاف لوگوں کاردعمل پر تشدد ہوسکتا ہے۔بھارتی تحقیقاتی ادارے این آئی اے کے اہلکاروں نے مقبوضہ کشمیرکی نام نہاد اسمبلی کے سابق رکن انجینئر عبدالرشید کو گزشتہ رات گرفتار کرلیا ۔برطانیہ کے شہرلیوٹن میں ہزاروں کشمیریوں اور ان کے حامیوں نے مقبوضہ کشمیر کو فوجی محاصرے میں رکھنے کی بھارتی کارروائی کے خلاف احتجاجی مظاہرہ کیا۔برطانوی پارلیمینٹ کے رکن جیس فلپس نے برطانوی وزیر خارجہDominic Raab کے نام ایک خط میںاپنی حکومت پرزوردیا ہے کہ وہ اس بات کو یقینی بنانے کے لیے کہ کشمیریوںکے حقوق پامال نہ ہوں، پاکستان ، بھارت اور کشمیریوں کے درمیان ثالثی کا کرداراداکرے۔ مقبوضہ جموںوکشمیر کی خصوصوصی حیثیت کے خاتمے کے بھارتی فیصلے کے خلاف یورپی یونین کشمیر کونسل نے برسلز میں احتجاجی مظاہروں کاسلسلہ جاری رکھا۔کشمیرکونسل یورپی یونین کے چیئرمین علی رضا سید نے یورپی وزارت خارجہ کے اعلیٰ حکام سے بھی ملاقات کرکے انہیں مقبوضہ علاقے کی تازہ ترین صورتحال سے آگاہ کیا۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.