خواجہ آصف کے الزامات ،بلاول بھٹو زر داری نے شہباز شریف کو اپنے تحفظات سے آگاہ کر دیا

اپوزیشن کے اتحاد کی خاطر اجتماعی مفاد میں خاموش ہیں،وقت آنے پر پیپلز پارٹی اس الزام کا جواب بھی ضرور دے گی ذرائع

ہفتہ 10 اگست 2019 20:21

خواجہ آصف کے الزامات ،بلاول بھٹو زر داری نے شہباز شریف کو اپنے تحفظات ..

اسلام آباد (اُردو پوائنٹ اخبارتازہ ترین - این این آئی۔ 10 اگست2019ء) سینیٹ چیئرمین کے خلاف تحریک عدم اعتماد کے معاملہ پرخواجہ آصف کی جانب سے آصف زرداری پر الزامات پر بلاول بھٹو زرداری نے اپنے تحفظات سے شہباز شریف کو آگاہ کردیا۔ذرائع کے مطابق پیغام ن لیگ کے دو اہم رہنماوں کے ذریعے بلاول شہباز ملاقات سے ایک دن پہلے دیا گیا۔ذرائع کے مطابق بلاول بھٹو زرداری نے سات اگست کو شہباز شریف سے ملاقات کی تھی ۔

(جاری ہے)

بلاول بھٹوزر داری نے شہباز شریف کو پیغام دیا کہ پیپلز پارٹی الزامات کے جواب کا حق محفوظ رکھتی ہے۔ انہوںنے کہاکہ اپوزیشن کے اتحاد کی خاطر اجتماعی مفاد میں خاموش ہیں،وقت آنے پر پیپلز پارٹی اس الزام کا جواب بھی ضرور دے گی۔ذرائع کے مطابق سینیٹ چیئرمین عدم اعتماد کے نتائج پر پیپلزپارٹی اپنی اور اپوزیشن جماعتوں کی تحقیقات کے نتائج کا انتظار کر رہی ہے۔ ذرائع کے مطابق بلاول بھٹو زر داری نے کہاکہ اگر آئندہ خواجہ آصف اور دیگر رہنماوں کو الزامات سے نہ روکا گیا تو پھر پیپلز پارٹی ذمہ دار نہیں ہوگی۔سیاسی ذرائع کے مطابق پیپلز پارٹی کی جانب سے پیغام بلاول بھٹو اور آصف زرداری نے ن لیگ کو دیا۔