مودی نے کشمیریوں کو للکارہ ہے،اب مقبوضہ کشمیر کی آزادی کو کوئی نہیں روک سکتا، بیرسٹر سلطان

ہفتہ 10 اگست 2019 22:09

اسلام آباد(اُردو پوائنٹ اخبارتازہ ترین - آن لائن۔ 10 اگست2019ء) آزا د کشمیر کے سابق وزیر اعظم و پی ٹی آئی کشمیر کے صدر بیرسٹر سلطان محمود چوہدری نے کہا ہے کہ مودی نے کشمیریوں کو للکارہ ہے مودی ایک لاکھ تو کجا دس لاکھ فوج بھی مقبوضہ کشمیر میں لے آئے وہ کشمیریوں کے جذبہ حریت کو نہیں دبا سکتا۔اب مقبوضہ کشمیر کی آزادی کو کوئی نہیں روک سکتا۔

کشمیری اب آزادی لے کر رہیں گے۔

(جاری ہے)

ان خیالات کا اظہار انھوں نے آج یہاں اسلام آباد کے ڈی چوک میں پی ٹی آئی کے زیر اہتمام کشمیری عوام سے اظہاریکجہتی کے لئے نکالی گئی ایک ریلی سے خطاب کرتے ہوئے کیا۔ اس موقع پر ریلی سے پی ٹی آئی کے مرکزی چیف آرگنائزر سیف اللہ خان نیازی، سیکریٹری جنرل عامر محمود کیانی،اعجازشفیع، مرکزی جوائنٹ سیکریٹری خواجہ فاروق احمد،پی ٹی آئی کشمیر کے سابق سیکریٹری اطلاعات سردار امتیاز خان اور دیگر مقررین نے بھی خطاب کیا۔بیرسٹر سلطان محمود چوہدری نے کہا کہ مقبوضہ کشمیر اب جلد آزاد ہو گا اور بھارت کا مکروہ چہرہ اب دنیا کے سامنے آشکار ہو چکا ہے۔ بھارت کشمیری عوام کے جذبہء حریت کو اپنے توپ و تفنگ سے دبا نہیں سکتا۔***