ہم مشکل معاشی حالات کا سامنا کررہے ہیں ، یقین دلاتا ہوں ملک درست سمت میں آگیا ہے، گور نر اسٹیٹ بینک

ہمارے رہنماؤں کی کاوشوں اور قربانیوں کا نتیجہ پاکستان ہے، آزاد ہوئے تو سب سے بڑا مسئلہ مالیاتی انتظام کا ادارہ نہیں تھا، باقر رضا

بدھ اگست 14:25

ہم مشکل معاشی حالات کا سامنا کررہے ہیں ، یقین دلاتا ہوں ملک درست سمت ..
کراچی(اُردو پوائنٹ اخبارتازہ ترین - این این آئی۔ 14 اگست2019ء) گورنر اسٹیٹ بینک باقر رضا نے کہا ہے کہ ہم مشکل معاشی حالات کا سامنا کررہے ہیں لیکن یقین دلاتا ہوں کہ ملک درست سمت میں آگیا ہے۔

(جاری ہے)

اسٹیٹ بینک میں یوم آزادی کی تقریب سے خطاب کرتے ہوئے باقر رضا نے کہا کہ ہمارے رہنماؤں کی کاوشوں اور قربانیوں کا نتیجہ پاکستان ہے، آزاد ہوئے تو سب سے بڑا مسئلہ مالیاتی انتظام کا ادارہ نہیں تھا، 1948 میں اسٹیٹ بینک نے پہلا نوٹ چھاپ کر اقتصادی سفر کا آغاز کیا۔

انہوں نے کہا کہ آج ہمارا وطن مشکل صورتحال میں ہے، ہم مشکل معاشی حالات کا سامنا کررہے ہیں، مشکل حالات میں لڑکر ہی کامیابی حاصل کی جاسکتی ہے، یقین دلاتا ہوں کہ ملک درست سمت میں آگیا ہے، اب ہمیں ایک قوم ہو کر اس سارے سلسلے کو جاری رکھنا ہے۔گورنر اسٹیٹ بینک نے کہا کہ مشکلات کے باوجود اسٹیٹ بینک نے معاشی معاملات ٹھیک کرنے کی کوشش کی ہے۔

متعلقہ عنوان :