وزیراعظم آزادجموں و کشمیر کی اپیل پر پوری پاکستانی قوم نے 15 اگست یوم سیاہ کے طور پر منایا جا رہا ہے

جمعرات 15 اگست 2019 15:54

اسلام آباد (اُردو پوائنٹ اخبارتازہ ترین - اے پی پی۔ 15 اگست2019ء) وزیراعظم آزادجموں و کشمیر راجہ فاروق حیدر خان کی اپیل پر پاکستانی بھائیوں، بیٹوں اور بیٹیوں نے 15 اگست کو یوم سیاہ بھر پور طور پر منایا جا رہا ہے۔ بھارت کے یوم آزادی پر حکومت پاکستان کی جانب سے یوم سیاہ منانے کے فیصلہ کے بعد 15 اگست کو آزادکشمیر بھر میں بھی آج بھارت کا یوم آزادی یوم سیاہ کے طور پر منایا جا رہا ہے۔

(جاری ہے)

انہوں نے کہا کہ اس موقع پر ہاتھوں میں کالے جھنڈے لیکر جلوس اور ریلیاں نکالی جائیں۔ انہوں نے کہا کہ مقبوضہ کشمیر کے میرے بھائی، بہنیں اور بیٹیاں نامساعد حالات میں ہیں۔ مقبوضہ کشمیر کے عوام مشکل حالات میں اپنی آزادی کی پر امن جدوجہد کر رہے ہیں۔ انہوں نے کہا کہ مقبوضہ کشمیر کے عوام کے ساتھ ہمارے اظہار یکجہتی سے ان کو حوصلہ ملتا ہے۔ وزیراعظم آزادکشمیر نے پاکستان کے اپنے بھائیوں، بیٹوں اور بیٹیوں سے اپیل کی تھی کہ وہ 15 اگست کو یوم سیاہ کے طور پر منائیں۔