امریکی محکمہ انصاف نے ایرانی آئل ٹینکر کو تحویل میں لینے کے لیے وارنٹ جاری کر دیئے
جبرالٹر کی عدالت کی جانب سے ایرانی آئل ٹینکر گریس ون کو چھوڑنے کا فیصلہ دیا تھا
میاں محمد ندیم ہفتہ 17 اگست 2019 15:51
(جاری ہے)
امریکا کی جانب سے ایرانی آئل ٹینکر کو قبضے میں رکھنے کی آخری قانونی کوشش بھی جبرالٹر کی عدالت نے مسترد کردی تھی‘برطانوی نشریاتی ادارے کی رپورٹ کے مطابق امریکی وفاقی عدالت کی جانب سے آئل ٹینکر قبضے میں لینے کے وارنٹ جاری کیے گئے‘وارنٹ میں آئل ٹینکر اور اس میں موجود تیل کے ساتھ ساتھ ایک امریکی بینک کے اکاﺅنٹ میں موجود 9 لاکھ 95 ہزار ڈالر بھی ضبط کرنے کا حکم دیا گیا جو ایرانی کمپنی پیراڈائیز گلوبل ٹریڈنگ سے تعلق رکھتے تھے. محکمہ انصاف کا کہنا ہے کہ مذکورہ جہاز اور ایرانی کمپنی انٹرنیشنل ایمرجنسی اکنامک پاور ایکٹ کی خلاف ورزی، بینک فراڈ، منی لانڈرنگ اور دہشت گردانہ روابط میں ملوث تھے. وفاقی پراسیکیوٹر جیسز لو کا کہنا تھا کہ فرنٹ کمپنیوں کے ایک نیٹ ورک نے اس قسم کی شپمنٹ کے لیے لاکھوں ڈالرز لانڈر کیے ’اس میں ملوث عناصر کا تعلق ایران کے پاسدارانِ انقلاب سے ہے جسے امریکا ایک غیر ملکی دہشت گرد تنظیم مانتا ہے. خیال رہے کہ جبرالٹر کی سپریم کورٹ نے امریکی کوششوں کے باوجود ایران کے تیل بردار جہاز کو چھوڑنے کا فیصلہ سنا یا تھا. جبرالٹر کے وزیراعلیٰ فیبین پیکارڈو نے ایک بیان میں کہا تھا کہ ایران نے یقین دہانی کروائی کہ گریس ون یورپین یونین کی پابندیوں والے ممالک کے لیے نہیں جائے گا، لہٰذا اب اس کی کوئی معقول وجہ نہیں بنتی کہ جہاز کو قبضے میں رکھا جائے. واضح رہے کہ 4 جولائی کو جبرالٹر پولیس اور برطانوی اسپیشل فورسز نے 21 لاکھ بیرل ایرانی تیل لے جانے والے جہاز گریس ون کو قبضے میں لے لیا تھا، جس کے بعد ان ممالک کے درمیان سفارتی محاذ شروع ہوگیا تھا. ایرانی جہاز کو مبینہ طور پر جنگ زدہ ملک شام میں خام تیل لے جانے کے شبہ میں قبضے میں لیا گیا تھا کیونکہ یہ عمل یورپی یونین اور امریکی پابندیوں کی خلاف ورزی تھی. تاہم اس پر جوابی ردعمل دیتے ہوئے 19 جولائی کو آبنائے ہرمز میں برطانوی جہاز اسٹینا امپیرو کو قبضے میں لے لیا گیا تھا‘دوسری جانب تہران نے اپنے جہاز کے قبضے کو قزاقی قرار دیا تھا اور مسلسل گریس ون کو چھوڑنے کا مطالبہ کیا جارہا تھا.
مزید اہم خبریں
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
-
سولرپینل بنانے والوں کو 10 سالہ مراعات دینے کی پالیسی تیار
-
پاکستان ایران نئے معاہدوں پرپیشرفت ہوئی تو پابندیاں لگ سکتی ہیں، امریکہ کی پھردھمکی
-
صدرزرداری سینیٹ کا اجلاس کل جمعرات کی شام طلب کرلیا
-
سولر پینل بنانے والوں کو 10 سالہ مراعات دینے کی پالیسی تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.