ورلڈ انڈر 16 سنوکر چیمپئن شپ، پاکستانی کیوئسٹس محمد عمر خان اور حمزہ الیاس (کل)مہم کا آغاز کریں گے

پیر 19 اگست 2019 18:51

ماسکو ۔ (اُردو پوائنٹ اخبارتازہ ترین - اے پی پی۔ 19 اگست2019ء) آئی بی ایس ایف ورلڈ انڈر 16 سنوکر چیمپئن شپ شروع ہو گئی۔ پاکستانی کیوئسٹس محمد عمر خان اور حمزہ الیاس (کل) منگل کو مہم کا آغاز کریں گے۔ روس میں شروع ہونے والی چیمپئن شپ میں محمد عمر خان اور حمزہ الیاس پاکستان کی نمائندگی کر رہے ہیں۔

(جاری ہے)

عمر خان کو گروپ ای میں آئرلینڈ، بھارت اور روسی کیوئسٹس کے ساتھ رکھا گیا ہے، عمر خان (آج) منگل کو دو میچز کھیلیں گے، پہلے میچ میں ان کا مقابلہ بھارت کے دھروو پٹیل اور دوسرے میچ میں ان کا مقابلہ آئرش کیوئسٹ لیون کرولی سے ہو گا۔

حمزہ الیاس کو گروپ ایچ میں آئرلینڈ، روس اور بھارتی کیوئسٹس کا چیلنج درپیش ہو گا۔ حمزہ الیاس بھی آج منگل کو دو میچز میں ایکشن میں نظر آئیں گے، پہلے میچ میں ان کا مقابلہ روسی کیوئسٹ آرٹم اور دوسرے میچ میں ان کا مقابلہ آئرش کیوئسٹ جیک سے ہو گا۔