پی ٹی آئی پنجاب آرمی چیف کی مدت ملازمت میں تو سیع کا خیر مقدم کرتی ہے، اعجاز احمد چوہدری

پیر 19 اگست 2019 22:05

لاہور۔19 اگست(اُردو پوائنٹ اخبارتازہ ترین - اے پی پی۔ 19 اگست2019ء) پاکستان تحریک انصاف پنجاب کے صدر اعجاز احمد چوہدری نے کہاہے کہ پی ٹی آئی پنجاب آرمی چیف جنرل قمر جاوید باجوہ کی مدت ملازمت میں تین سال کی تو سیع کا خیر مقدم کرتی ہے،ایل او سی پر جاری بھارتی جارحیت، کشمیر کی سنگین صورت حال اور ملک کو دہشت گردی کا سامنا ہے،آرمی چیف اور افواج پاکستان کی قائدانہ صلاحیت کی پوری دنیا معترف ہے۔

(جاری ہے)

ایک بیان میں انہوں نے کہا کہ ملکی صورت حال کو مدنظر رکھتے ہوئے بہترین فیصلہ کیا گیا ہے، آرمی چیف جنرل قمر جاوید باجوہ کی ملازمت کی مدت میں تین سال کی تو سیع کے وزیراعظم کے فیصلے کو جتنا بھی سراہا جائے وہ کم ہے۔انہوں نے کہا کہ بھارت کی جانب سے آئے روز لائن آف کنٹرول پر بلااشتعال فائرنگ کی جارہی ہے،ایل اوسی پر معصوم شہریوں اور آبادی کو نشانہ بنا نابزدلانہ فعل قابل مذمت ہے،بھارت نے رات کے اندھیرے میں آبی جارحیت کر کے سند ھ طاس معاہدے کی کھلم کھلا خلاف ورزی کی،عالمی برادری بھارتی آبی جارحیت کا فوری نوٹس لے۔