ماضی کی شوبازیوں کا دور گزر چکا ہے ،اب نیک نیتی سے صرف کام ،کام اورکام ہوتا ہے‘وزیراعلیٰ پنجاب
صوبے میں پارٹی کو تنظیمی لحاظ سے مزید مضبوط کریںگے،پارٹی عہدیداروں اورکارکنوں کے جائز کام ہرصورت ہوںگے پاکستان کشمیر کے بغیر نا مکمل ہے،پنجاب میں ہر ضلع کی ایک سڑک اورہر ڈویژن کا ایک پارک کشمیر کے نا م سے منسوب کرنے کا اعلان کرچکا ہوں‘عثمان بزداراجلا س سے خطاب
منگل 20 اگست 2019 19:06
(جاری ہے)
وزیراعلی عثمان بزدار نے اجلاس سے خطاب کرتے ہوئے کہاکہ پاکستان کشمیر کے بغیر نامکمل ہے ۔پنجاب میں ہر ضلع کی ایک سڑک اورہر ڈویژن کا ایک پارک کشمیر کے نا م سے منسوب کرنے کا اعلان کرچکا ہوں۔کمشنرز اورڈپٹی کمشنرز کو اس ضمن میں ہدایات جاری کردی گئی ہیں کہ وہ سڑکوں اورپارکس کی جلد نشاندہی کریں۔
انہوںنے کہاکہ ایک برس کے دوران خلوص نیت اورمحنت کے ساتھ عوا م کی خدمت کی ہے ۔گزشتہ 30برس کے دوران آنے والی حکومتوں نے مسائل کے انبار لگائے اور عوام کی بنیادی ضرورتیں حل کرنے کے معاملے میں پہلو تہی کی گئی۔وزیراعظم عمران خان کے تبدیلی کے خواب کو عملی جامہ پہنائیں گے۔انہوںنے کہاکہ ایک برس کے دوران پنجاب حکومت نے ریکارڈ قانون سازی کی ہے اور کفایت شعاری اوربجٹ کی نئی مثالیں قائم کی گئی ہیں ۔ پارٹی کے صوبائی عہدیداروں سے ملکر بے حد خوشی ہوئی ہے ۔آپ سے ملاقاتوں اورمشاورت کا سلسلہ مستقل بنیادوں پر جاری رہے گا۔صوبے میں پارٹی کو تنظیمی لحاظ سے مزید مضبوط کریںگے۔پارٹی عہدیداروں اورکارکنوں کے جائز کام ہرصورت ہوںگے۔میرا کوئی اور ایجنڈا نہیں ،صرف عوام کی خدمت کیلئے آیا ہوں ۔وزیراعلی نے کہاکہ ملک اورصوبے کے مفاد میں جو کچھ ہوسکاہر وہ کام کریںگے۔پارٹی کے عہدیداروں اورکارکنوں کو عزت و احترام دیںگے۔وزیراعلیٰ آفس کے دروازے آپ کیلئے کھلے ہیں ۔انہوں نے کہاکہ پنجاب حکومت نے جنوبی پنجاب کیلئے رواں بجٹ میں 35فیصد فنڈ ز مختص کیے ہیں ۔جنوبی پنجاب کیلئے مختص فنڈز کسی اورضلع یا کسی اورمقصد کیلئے استعمال نہیں ہوسکیںگے۔وزیراعلی نے کہاکہ پارٹی عہدیداروں کی جس شعبے میں مہارت اورتجربہ ہے اس سے فائدہ اٹھائیںگے۔آپ کی سفارشات اورتجاویز پر عملدرآمد ہوگا۔صوبے کے عوام کی خدمت کے سفر میں شانہ بشانہ چلیںگے۔ماضی کی شوبازیوں کا دور گزر چکا ہے ،اب نیک نیتی سے صرف کام ،کام اورکام ہوتا ہے ۔انہوںنے کہاکہ لاہورکے سیوریج نظام کو درست کرنے کیلئے 19ارب روپے کی لاگت سے منصوبہ شروع کررہے ہیں ۔سابق حکومت نے دس برس کے دوران سیوریج نظام پر صرف تین ارب روپے خرچ کیے۔تعلیم ،صحت ، زراعت اورصنعت کی ترقی کیلئے انقلابی اصلاحات لائی گئی ہیں ۔انہوں نے کہاکہ ماضی میں پانی ذخیرہ کرنے کے منصوبوں کو نظر انداز کیاگیا ۔ہماری حکومت پوٹھوہار،ڈیرہ غازی خان اورراجن پورمیں چھوٹے ڈیم بنارہی ہے۔ تحریک انصاف پنجاب کے صدر اعجاز چوہدری نے کہاکہ پارٹی کے پنجاب سیکرٹریٹ آمد پر آپ کا شکریہ ادا کرتا ہوں ۔پارٹی کو تنظیمی لحاظ سے نچلی سطح تک منظم کیا جارہا ہے ۔صوبائی سطح پر بہت جلد تنظیمی کنونشن کا انعقاد کریںگے۔انہوں نے کہاکہ عوام کی خدمت کے سفر میں آپ کے ساتھ ہیں۔پارٹی جتنی مضبوط ہوگی،اتنی حکومت بھی مضبوط ہوگی۔پارٹی اورحکومتی سطح پر تعلقات کو مزید مستحکم کریںگے۔اجلاس میںپنجاب کے سینئر نائب صدر اعجازمنہاس، نائب صدور چوہدری اشفاق،شبیر سیال،جنرل سیکرٹری محمد شعیب صدیقی،ایڈیشنل جنرل سیکرٹری ندیم قادربھنڈر،محمد عارف عباسی، انجینئر عطااللہ خان شادی خیل،رانا ندیم ،بریگیڈیئر (ر) ممتاز کاہلوں،شکیل احمد خان نیازی،حافظ عبیداللہ،سیکرٹری اطلاعات عثمان سعیدبسرا،جنوبی پنجاب کے صدر نور خان بھابھہ،عائشہ نذیر جٹ،معین الدین قریشی، فرزندگوہر، علی رضا دریشک،سکندربڈھیرا،مصدق شاہ،نعیم وڑائچ اورسیف کھوسہ نے شرکت کی۔مزید اہم خبریں
-
پاکستان نے اسرائیل کو ہتھیاروں کی فراہمی پر پابندی کی حمایت کردی
-
توانائی بحران سے نمٹنے میں پاکستان کی مدد ترجیح ہے، امریکا
-
پاکستان سمیت دنیا بھر کے مسلمان فلسطین کی جانب مارچ کریں،حماس
-
لاہورڈیفنس میں کار کی ٹکر سے 6افراد کی ہلاکت کاکیس، تمام ملزمان کو دوبارہ طلبی کے نوٹس جاری
-
دہشت گردوں اور ان کے سہولت کاروں کو انصاف کے کٹہرے میں لایا جائے گا، دفترخارجہ
-
بھارت سے تجارتی تعلقات سے متعلق تاجروں کی درخواست کا جائزہ لیا جا رہا ہے.ترجمان دفتر خارجہ
-
پنجاب کائٹ فلائنگ آرڈیننس میں دہشتگردی کی دفعات شامل کرنے کی تجویز
-
دھاتی ڈور سے تحفظ کیلئے موٹر سائیکلوں پر سیفٹی وائرز کی تنصیب کا آغاز
-
قومی اسمبلی میں قائد حزب اختلاف کی تقرری معاملہ،حکومت اور سنی اتحاد کونسل میں تنازعہ حل نہیں ہو سکا
-
ای روزگار ٹریننگ پروگرام کے نئے مرحلے کیلئے پنجاب بھر سے 17 ہزار سے زائد درخواستیں موصول
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.