مہوش حیات نے آئندہ پانچ سالوں میں ہدایتکاری کے شعبے میں آنے کا عندیہ دے دیا

بدھ 21 اگست 2019 12:42

اسلام آباد (اُردو پوائنٹ اخبارتازہ ترین - اے پی پی۔ 21 اگست2019ء) پاکستانی اداکارہ مہوش حیات نے آئندہ پانچ سالوں میں ہدایتکاری کے شعبے میں آنے کا عندیہ دے دیا۔

(جاری ہے)

مہوش حیات نے نجی ٹی وی پر بات کرتے ہوئے ایک سوال کے جواب میں کہا کہ پاکستان میں خواتین کو مردوں کے مساوی معاوضہ ملتا ہے اور اس شعبے میں وہ ایک دوسرے کو بہت عزت دیتے ہیں، ماں کا کردار ادا کرنے کے حوالے سے ایک سوال پر انہوں نے کہا کہ اچھا سکرپٹ ہوا تو وہ ماں کیا نانی کا بھی کردار ادا کریں گی ۔

انہون نے کہاکہ وہ آئندہ پانچ سالوں میں ہدایتکاری کے شعبے میں آنے کا سوچ رہی ہیں کیونکہ وہ چاہتی ہیں کہ اس شعبے میں نئے لوگ آئیں۔کیا سوشل میڈیا پر فالورز کی تعداد سے کام زیادہ ملتا ہی کے جواب میں انہوں نے کہا کہ اس سے فرق نہیں پڑتا کام آپ کو اپنی محنت کے بل بوتے پر ہی ملتا ہے۔