باکسر عامر خان اور ان کی اہلیہ فریال مخدوم کے گھر ننھے مہمان کی آمد متوقع

ننھا مہمان لڑکا ہو گا یا لڑکی اس کا اعلان دونوں نے ایک دلچسپ ویڈیو کے ذریعے کیا

جمعرات 22 اگست 2019 20:55

باکسر عامر خان اور ان کی اہلیہ فریال مخدوم کے گھر ننھے مہمان کی آمد ..

لاہور(اُردو پوائنٹ اخبارتازہ ترین - این این آئی۔ 22 اگست2019ء) پاکستانی نژاد برطانوی باکسر عامر خان اور ان کی اہلیہ فریال مخدوم کے گھر ننھے مہمان کی آمد متوقع ہے۔ننھا مہمان لڑکا ہو گا یا لڑکی اس کا اعلان دونوں نے ایک دلچسپ ویڈیو کے ذریعے کیا ہے۔فریال مخدوم نے انسٹاگرام پر ایک ویڈیو شیئر کی جس میں انہوں نے ناصرف تیسری بار ماں بننے کا اعلان کیا بلکہ بہت دلچسپ انداز میں اپنے مداحوں کو یہ بھی بتایا کہ اس مرتبہ وہ ایک بیٹے کی ماں بنیں گی۔

ویڈیو میں فریال مخدوم اور عامر خان کو بہت سے غباروں کے ساتھ موجود ہیں۔

(جاری ہے)

دائیں جانب گلابی، بائیں جانب نیلے جبکہ درمیان میں سیاہ رنگ کا ایک بڑا غبارہ دکھایا گیا ہے۔ نیلے رنگ کے غبارے لڑکے جبکہ گلابی رنگ کے غبارے لڑکی کی آمد کا پتہ دینے کے لیے لگائے گئے تھے۔فریال مخدوم نے ویڈیو میں یہ اعلان کیا کہ وہ تیسری بار ماں بننے والی ہیں ساتھ ہی انہوں نے یہ بھی بتایا کہ ان کے ہاں بیٹا ہو گا یا بیٹی اس کا سراغ عامر خان سیاہ غبارے کو پھاڑ کر لگائیں گے۔ اس کے بعد عامر خان نے مکا مار کر غبارہ پھاڑا اور اعلان کیا کہ ان کے ہاں اس بار بیٹے کی آمد ہو گی۔واضح رہے کہ عامر اور فریال نے ننھے مہمان کی آمد کا اعلان جس طرز پر کیا ہے وہ آج کل سوشل میڈیا پر وائرل ہے۔

Facebook Twitter Google + Share on Whatsapp

باکسر عامر خان اور ان کی اہلیہ فریال مخدوم کے گھر ننھے مہمان کی آمد متوقع

ننھا مہمان لڑکا ہو گا یا لڑکی اس کا اعلان دونوں نے ایک دلچسپ ویڈیو کے ذریعے کیا

متعلقہ عنوان :

مزید کھیلوں کی خبریں