پاکستانی نوجوان اسد علی میمن نے یورپ کی سب سے بلند چوٹی سرکرلی

7لاڑکانہ سے تعلق ہے روس کے جنوب میں برف سے ڈھکی 6 ہزار 642 میٹر بلند چوٹی ماونٹ البرس سر پر پاکستان کا جھنڈا لہرادیا، کشمیر بنے گا پاکستان کے نعرے بھی لگائے

جمعہ 23 اگست 2019 20:34

پاکستانی نوجوان اسد علی میمن نے یورپ کی سب سے بلند چوٹی سرکرلی

کراچی(اُردو پوائنٹ اخبارتازہ ترین - آن لائن۔ 23 اگست2019ء) پاکستانی نوجوان اسد علی میمن نے کارنامہ انجام دیتے ہوئے یورپ کے سب سے بلند چوٹی سر کرلی۔پاکستان کے صوبہ سندھ کے علاقے لاڑکانہ سے تعلق رکھنے والے اسد علی میمن نے روس کے جنوب میں برف سے ڈھکی 6 ہزار 642 میٹر بلند چوٹی ماونٹ البرس سر کرکے پاکستان کا جھنڈا لہرادیا۔

(جاری ہے)

یہ چوٹی جارجیا کی سرحد کے قریب ایشیا اور یورپ کو ملانے والے پہاڑی سلسلے میں واقع ہے، چوٹی کو پہلی مرتبہ 1829 میں سرکیا گیا تھا۔

اسد علی میمن نے چوٹی سر کرنے والے دیگرغیرملکی مہم جوں کے ساتھ مل کر کشمیر بنے گا پاکستان کے نعرے بھی بلند کیے۔اسد میمن کا کہنا ہے کہ چوٹی سر کرنے کے دوران انہیں خراب موسم کا سامنا رہا لیکن وہ اپنی کامیابی کے لیے بہت پر امید تھے، کراچی یونیورسٹی سے فارغ التحصیل اسد علی میمن نے اپنی کامیابی کشمیر کے مظلوم عوام کے نام کردی۔