کیپٹن (ر) صفدر کی عبوری ضمانت منظور کر لی گئی

ہفتہ 24 اگست 2019 16:37

لاہور (اُردو پوائنٹ اخبارتازہ ترین - اے پی پی۔ 24 اگست2019ء) سیشن عدالت نے مسلم لیگ ن کے رہنما ء کیپٹن (ر) صفدر کی عبوری ضمانت منظور کر لی۔ پولیس اہلکار کو مارنے کی کوشش میں کیپٹن (ر) صفدر پر مقدمہ درج کیا گیا جس میں انہوں نے درخواست ضمانت دے رکھی تھی۔گذشتہ روز لاہور کی سیشن عدالت میں کیپٹن (ر) صفدر کی درخواست ضمانت پر سماعت ہوئی جس پر سیشن کورٹ نے کیپٹن (ر) صفدر کی عبوری ضمانت منظور کر لی۔

(جاری ہے)

یاد رہے کہ مسلم لیگ ن کی رہنما مریم نوازکی پیشی کے بعد کیپٹن ریٹائرڈ صفدرکی اہلکارسے مڈ بھیڑ ہوئی تھی۔ مقدمہ جوڈیشل کمپلیکس میں پولیس اہلکاروں سے ہاتھا پائی کے معاملے پر کیپٹن (ر) صفدر سمیت 15 نامعلوم افراد کے خلاف مقدمہ درج کیا گیا۔ یہ مقدمہ ایس ایچ او اسلام پورہ کی مدعیت میں درج کیا گیا۔ ایف آئی آر کے متن میں کہا گیا کہ کیپٹن (ر) صفدر پولیس اہلکاروں سے اٴْلجھ پڑے اور پولیس اہلکار سے لاٹھی چھین کر مارنے کی کوشش کی۔ کیپٹن (ر) صفدر نے مقدمہ درج ہونے کے بعد سے ہی ضمانت کے لیے درخواست دائر کر رکھی تھی جسے سیشن کورٹ نے منظور کرتے ہوئے پولیس کو کیپٹن صفدر کی گرفتاری سے روک دیا۔

Facebook Twitter Google + Share on Whatsapp

کیپٹن (ر) صفدر کی عبوری ضمانت منظور کر لی گئی

متعلقہ عنوان :

مزید اہم خبریں