اگر اب جنگ ہوئی تو یہ آخری ہوگی اور روایتی نہیں ہوگی،شیخ رشید احمد
اللہ تعالیٰ نے کشمیر کو پاکستان سے ملانے کا فیصلہ کرلیا ہے اور ہٹلر مودی نے بہت بڑی غلطی کردی ہے ،سری نگر کی آواز پاکستان کی آواز ہوگی،خان صاحب سمجھتے ہیں کشمیر کا معاملہ ایک دو ماہ میں آرپار ہوجائیگا ، چین پاکستان کے ساتھ چٹان کی طرح کھڑا ہے اور ہمیں بھی اس کے ساتھ کھڑا ہونا ہے، وفاقی وزیر کا ریلی سے خطاب
ہفتہ 24 اگست 2019 16:54
(جاری ہے)
شیخ رشید نے کہا کہ اللہ تعالیٰ نے کشمیر کو پاکستان سے ملانے کا فیصلہ کرلیا ہے اور ہٹلر مودی نے بہت بڑی غلطی کردی ہے۔
انہوں نے کہا کہ پاکستان کرکٹ ٹیم جیت جاتی ہے تو مقبوضہ کشمیر میں چھ کشمیری شہید کردئیے جاتے ہیں۔انہوںنے کہاکہ 72 سال سے ہماری فوج آج کے دن کیلئے تیار ہوئی اور اسی دن کی منتظر تھی، آج نہ لائن آف کنٹرول ہے اور نہ ہی شملہ معاہدہ۔وزیر ریلوے نے کہا کہ مقبوضہ کشمیر میں اشیائے خورونوش ہے نہ ہی ادویات، وہاں لوگوں پر مظالم ڈھائے جارہے ہیں۔انہوںنے کہاکہ میں جانتا ہوں مودی حملہ نہیں کرسکتا کیوں کہ اگر اب پاکستان پر حملہ ہوا تویہ آخری جنگ ہوگی۔ شیخ رشید نے کہا کہ سری نگر کی آواز پاکستان کی آواز ہوگی۔انہوں نے کہا کہ واجپائی کے مذاکرات میں بھی شامل تھا جنہوں نے کہا کہ اگر شیخ رشید وزیرمہانداری ہوتو پاکستان نہیں آرہا۔شیخ رشید نے کہا کہ وزیراعظم عمران خان نے کہا اب مذاکرات کے دروازے بند ہوچکے ہیں، یہ فیصلہ سر آنکھوں پر اور اس کو سلام پیش کرتا ہوں۔انہوں نے کہا کہ ساری قوم وزیراعظم عمران خان کا ساتھ دے جنہوں نے کشمیر کے حوالے سے امریکی پالیسی کو غیر جانبدار کیا۔وزیر ریلوے شیخ رشید احمد نے کہا کہ کشمیر پر سلامتی کونسل کی قرارداد ختم ہوچکی ہے۔انہوں نے کہا کہ مارچ تک کا وقت دنیائے سیاست کے لیے بہت اہم ہے، کشمیر کا مسئلہ اب حل ہونا ہے، دنیا جان لے کشمیری قوم، فلسطینی اور بوسنیا کی قوم جیسی نہیں۔انہوںنے کہاکہ خان صاحب سمجھتے ہیں کشمیر کا معاملہ ایک دو ماہ میں آرپار ہوجائیگا جبکہ میں سمجھتا ہوں کہ یہ معاملہ پانچ سے چھ ماہ میں آرپار ہوجائیگا۔انہوں نے کہا کہ مودی کو غلط فہمی ہے، فیصلے کا وقت آگیا تو بھارت میں ہر مسلمان کے گھر سے نعرہ تکبیر بلند ہوگا۔انہوں نے کہا کہ سمندر پار پاکستانیوں سے کہتا ہوں کہ پاکستان کا جھنڈا لے کر باہر نکلیں، ہمیں سفارت کاری کرنی ہے اور مودی کو بھی بے نقاب کرنا ہے۔شیخ رشید نے کہا کہ چین پاکستان کے ساتھ چٹان کی طرح کھڑا ہے اور ہمیں بھی اس کے ساتھ کھڑا ہونا ہے کیوں کہ چین آزمودہ دوست ہے۔شیخ رشید کا کہنا تھا کہ مقبوضہ کشمیر کو اندر سے جانتا ہوں، میرے اجداد کی قبریں وہاں ہیں۔ لال حویلی کا رشتہ سرینگر سے ہے۔ نازی مودی کے اقدام سے مسئلہ کشمیر اور اجاگر ہوا۔ ساری دنیا مودی کے خلاف ہوتی جارہی ہےمزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.