فاطمہ جناح ویمن یونیورسٹی چکری روڈ کیمپس مارچ 2020میں فعال ہو گا
یونیورسٹی میں 5000 طالبات زیر تعلیم ، 1000 طالبات ہاسٹل میں رہائش پذیرہیں
ہفتہ 24 اگست 2019 17:27
(جاری ہے)
انہوں نے بتایاکہ فاطمہ جناح ویمن یونیورسٹی کی طالبات کی تعلیم کے ساتھ ساتھ ان کی کردار سازی پر بھی بھرپور توجہ دی جارہی ہے اور منشیات کے کسی بھی ممکنہ استعمال کے روک تھام کے لیے انتظامی سطح پر سخت ترین اقدامات کیے گئے ہیں ۔
انہوں نے کہا کہ بڑھتی ہوئی منشیات کی لعنت سے بچنے کے لئے ہر ڈیپارٹمنٹ میں ایک فوکل پرسن مقرر کیا گیا ہے جو خاص منشیات کی ترسیل اور روک تھام پر نظر رکھتا ہے اس کے علاوہ جو طالبات جن کے اچانک گریڈ کم ہونا شروع ہو جائے ان کا نفیساتی علاج بھی کیا جاتا ہے تاھم ابھی تک یونیورسٹی میں منشیات کے استعمال کا کوئی ایک بھی واقع پیش نہیں آیا ماسوائے اس کے کہ دو طالبات کے سامان سے الیکٹرک سگریٹ بر آمد ہوئے ۔اس ضمن میں ہاسٹل میں رہائش پذیر طالبات پر نظر رکھنے ان کے اسامان کی جانچ پڑتال کے ساتھ ساتھ یومیہ بنیاد پر جامع میں آنے والی مقامی طالبات کے سامان کی بھی مکمل جانچ پڑتال کی جاتی ہے ۔ ایک سوال کے جواب میں وائس چانسلر نے قومی خبر ایجنسی کو بتایاکہ فاطمہ جناح وویمن یونیورسٹی میں 5000 کے لگ بھگ طالبات زیر تعلیم ہیں ، 1000 طالبات یونیورسٹی کے ہاسٹل میں رہائش پذیر ہیں ،ہاسٹلز کے دو ونگ یونیورسٹی نے اپنے خرچے سے بنائے ہیں جبکہ ایک ونگ کا خرچہ ایچ ای سی نے دیاہے ۔انہوں نے کہاکہ یونیورسٹی کے ہاسٹل میں پاکستان کے ہر علاقے کی لڑکی رہائش پذیر ہے ۔ان میں تقریباً200لڑکیاں گلگت بلتستان ،30لڑکیاں بلوچستان سے ،سندھ سے، خیبر پختونخوا سے ، پنجاب کے ہر علاقے سے ملک کی مجموعی طور پر 89ڈسٹرکٹ سے لڑکیاں جامع میں زیر تعلیم ہیں اور یہ ایک ریکارڈ ہے کہ اس کے باوجود کبھی کسی قسم کا لسانی ،علاقائی یا مذہبی تنازعہ نہیں ہوا ۔فاطمہ جناح یونیورسٹی چکری روڈ کیمپس بارے تفصیلات سے آگاہ کرتے ہوئے وائس چانسلر پروفیسر ڈاکٹر ثمینہ امین قادر نے بتایاکہ چکری روڈ کیمپس کے لیے 291ایکڑ اراضی پنجاب حکومت کی جانب سے دی گئی تھی جبکہ 09ایکڑ اراضی یونیورسٹی نے اپنے طور پر خریدی یوں یہ کیمپس 300ایکڑ اراضی پر زیر تعمیر ہے ۔چکری روڈ کیمپس کے لیے ایچ ای سی تقریباً900ملین روپے دیئے ہیں ۔اس سے کیمپس کی سڑکیں بنائی گئیں ،تعلیمی بلاکس تعمیر کیے گئے ،واٹر ٹینک بھی بنا دیا گیاہے ،ایک ہاسٹل زیر تعمیر ہے ،ایڈمنسٹریٹو بلاک اور مرکزی داخلے راستے کی تکمیل ہو چکی ہے ۔انہوں نے بتایاکہ چکری روڈ کیمپس مارچ 2020میں مکمل فعال ہونے کی قوی امید ہے جس کے بعد یونیورسٹی کے اس بڑے کیمپس میں تعلیمی سرگرمیوں کا باقاعدہ آغاز کر دیاجائے گا۔انہوں نے سرکاری خبر رساں ادارے کو بتایاکہ یونیورسٹی سے تعلیم مکمل کرنے والی 52% طالبات مارکیٹ میں مختلف شعبہ جات میں کام کر رہی ہیں ، یونیورسٹی کا قیام1998 میں وجود میں آیا ،اس وقت یونیورسٹی میں 24 مختلف ڈیپارٹمنٹ ہیں اور ان میں مجموعی طور پر 66 ڈگری پروگرامز کروائے جاتے ہیں ،ایچ ای سی کی رینکنگ میں یونیورسٹی کا 18 واں نمبر ہے ،یونیورسٹی میں داخلے اور بھرتیاں مکمل طور پر میرٹ پر کی جاتی ہیں اس معاملے میں یونیورسٹی میں زیرو ٹالرنس ہے۔مزید تعلیم کی خبریں
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.