نادرا دفتر ڈیرہ کا عملہ فرعونیت پر اتر آیا ،شہریوں کے ساتھ انتہائی ذلت آمیز رویہ،عوام سراپا احتجاج بن گئے

پیر 26 اگست 2019 17:16

ڈیرہ اسماعیل خان (اُردو پوائنٹ اخبارتازہ ترین - اے پی پی۔ 26 اگست2019ء) نادرا دفتر ڈیرہ کا عملہ فرعونیت پر اتر آیا ،شہریوں کے ساتھ انتہائی ذلت آمیز رویہ اور سلوک ،عوام سراپا احتجاج بن گئے ،ارباب اختیار سے فوری نوٹس لینے کامطالبہ ۔تفصیلا ت کے مطابق پاکستانی شہریوں کے شناختی کارڈ بنانے والے ادارے نادرا میں تعینات سرکاری اہلکاروں کی جانب سے سائلین کے ساتھ انتہائی فرعونیت کا سلوک روا رکھا جارہا ہے ۔

(جاری ہے)

نادرا دفتر کے اندر یوں لگتا ہے جیسے وہاں آنے والے افراد کی تذلیل وتوہین نادرا ملازمین منصبی میں شامل ہے اور وہ خود کو ایسا بادشاہ سمجھتے ہیں جن کا فرمان اور فیصلہ حرف آخر ہو۔ایسا ہی کچھ معاملہ اس وقت ڈیرہ اسماعیل خان نادرا دفتر میں بھی پیش آرہا ہے ۔نادرا کا عملہ سائلین کے ساتھ انتہائی بدسلوکی سے پیش آرہا ہے ۔یہاں تک کہ خواتین یا معمر افراد کسی کا احترام ملحوظ خاطر نہیں رکھا جارہا ۔شہریوں کی جانب سے ارباب اختیار سے اس ضمن میں فوری نوٹس لینے کا مطالبہ کیاگیا ہے۔