فیصل آباد ، منشیات فروشوں کے خلاف خصوصی مہم کے دوران 6 منشیات فروش گرفتار

منگل 27 اگست 2019 14:50

فیصل آباد (اُردو پوائنٹ اخبارتازہ ترین - اے پی پی۔ 27 اگست2019ء) منشیات فروشوں کے خلاف خصوصی مہم کے دوران 24گھنٹوں میں 6منشیات فروش گرفتار کر کے ان کے قبضہ سے بھاری مقدار میں چرس ، شراب ،بھکی برآمد کر لی گئی ہے۔

(جاری ہے)

سٹی پولیس فیصل آباد کے ترجمان نے بتایاکہ پولیس تھانہ صدر فیصل آباد نے ملزم محمد رفیق کو گرفتار کر کے اس کے قبضہ سے سوا کلو گرام چرس ، پولیس تھانہ کھرڑیانوالہ فیصل آباد نے ملزم فرزند کو گرفتار کر کے اس کے قبضہ سے سوا کلو گرام چرس ، پولیس تھانہ بلوچنی فیصل آباد نے ملزم ندیم مسیح کو گرفتار کر کے اس کے قبضہ سے ڈیڑھ کلو گرام چرس ، پولیس تھانہ سٹی تاندلیانوالہ نے ملزم ذوالقرنین کو گرفتار کر کے اس کے قبضہ سے ایک کلو گرام چرس ، پولیس تھانہ سمندری فیصل آبا دنے ملزم محمد لطیف کو گرفتار کر کے اس کے قبضہ سے ڈیڑھ کلو گرام بھکی ،تھانہ گلبرگ پولیس فیصل آباد نے ملزم عمران کو گرفتار کر کے اس کے قبضہ سے 13لیٹر شراب برآمد کرلی ہے۔

انہوںنے بتایا کہ ملزمان کے خلاف مقدما ت درج کر کے مزید تفتیش کا آغاز کردیا گیا ہے۔