مقبوضہ کشمیر میں بھارتی اقدامات ناقابل قبول ہیں، امریکی صدارتی امیدوار

مقبوضہ وادی میں کریک ڈاؤن کے نام پر کشمیریوں کے حقوق چھینے جا رہے ہیں،ڈیمورکریٹ امیدواربرنی سینڈرز

اتوار 1 ستمبر 2019 15:10

مقبوضہ کشمیر میں بھارتی اقدامات ناقابل قبول ہیں، امریکی صدارتی امیدوار

واشنگٹن (اُردو پوائنٹ اخبارتازہ ترین - این این آئی۔ 01 ستمبر2019ء) ڈیموکریٹ پارٹی کی طرف سے صدارتی امیدوار برنی سینڈرز نے کہا ہے کہ کشمیر میں کریک ڈاون کے نام پر حقوق چھینے جا رہے ہیں، صورتحال پر تشویش اور بھارتی اقدامات ناقابل قبول ہیں۔

(جاری ہے)

غیرملکی خبررساں ادارے کے مطابق امریکی مسلمانوں کی تنظیم اثنا کے کنونشن سے خطاب کرتے ہوئے صدارتی امیدوار برنی سینڈرز نے مقبوضہ کشمیرکی صورتحال پر تشویش کا اظہار کیا ہے، انہوں نے مطالبہ کیا کہ مقبوضہ وادی سے فوری طور پر کرفیو ہٹایا جائے۔

ان کا مزید کہنا تھا امریکا کو انسانی حقوق کے لیے بھرپور آواز اٹھانی چاہیے، امریکا مسئلہ کشمیر کے پرامن حل کے لیے اقوام متحدہ پر زور دے۔ مقبوضہ وادی میں کریک ڈاؤن کے نام پر کشمیریوں کے حقوق چھینے جا رہے ہیں۔