اداکارہ صوفیہ مرزا منی لانڈرنگ میں ملوث قرار

صوفیہ مرزا دو سال قبل بھی فراڈ اور اغوا کاری میں ملوث قرار پائی گئی تھیں

پیر 2 ستمبر 2019 12:55

اداکارہ صوفیہ مرزا منی لانڈرنگ میں ملوث قرار

لاہور(اُردو پوائنٹ اخبارتازہ ترین - این این آئی۔ 02 ستمبر2019ء) نیب نے اداکارہ صوفیہ مرزا کو اغوا کاری اور دھوکہ دہی کے بعد منی لانڈرنگ میں ملوث قرار دیا ہے۔ایان علی کے بعد ایک اور اداکارہ منی لانڈرنگ کیس میں ملوث قرار پائی گئی ہیں۔

(جاری ہے)

نیب کی جانب سے ڈی جی ایف آئی اے کو بھیجی جانے والی درخواست میں خوش بخت عرف صوفیہ مرزا کو ملزم قرار دیتے ہوئے کہا گیا کہ صوفیہ مرزا منی لونڈرنگ میں ملوث ہیں۔

نیب پہلے ہی اس معاملے پر نوٹس لے چکا ہے تاہم آیف آئی اے بھی اس ضمن میں فوری طور پر کارروائی کرے۔نیب کی جانب سے جاری درخواست میں واضح طور پر اداکارہ صوفیہ مرزا کے خلاف کارروائی کرنے کا مطالبہ کیا گیا ہے۔واضح رہے متعدد ڈراموں میں کام کرنے والی صوفیہ مرزا دو سال قبل بھی فراڈ اور اغوا کاری میں بھی ملوث قرار پائی گئی تھیں۔