ملنگا نے آفریدی کا ٹی ٹوئنٹی ریکارڈ توڑ ڈالا

لستھ ملنگا ٹی 20 انٹرنیشنل میں سب سے زیادہ 99 وکٹیں حاصل کرنے والے بولر بن گئے

پیر 2 ستمبر 2019 15:45

کولمبو (اُردو پوائنٹ اخبارتازہ ترین - این این آئی۔ 02 ستمبر2019ء) سری لنکن فاسٹ بولر لستھ ملنگا نے قومی ٹیم کے سابق کپتان شاہد آفریدی کا ٹی ٹوئنٹی انٹرنیشنل کرکٹ میں سب سے زیادہ وکٹیں حاصل کرنے کا ریکارڈ توڑ ڈالا۔لستھ ملنگا ٹی 20 انٹرنیشنل میں سب سے زیادہ 99 وکٹیں حاصل کرنے والے بولر بن گئے ہیں۔

(جاری ہے)

ملنگا نے شاہد آفریدی کا ریکارڈ نیوزی لینڈ کے خلاف میچ میں توڑا، انہوں نے پہلے کولن منرو کی وکٹ حاصل کر کے شاہد آفریدی کا ریکارڈ برابر کیا اور پھر کولن ڈی گرینڈہوم کا شکار کر کے سب سے زیادہ ٹی ٹوئنٹی وکٹیں لینے والے بولر بن گئے۔

شاہد آفریدی نے اپنے ٹی20 انٹرنیشنل کرئیر میں 98 وکٹیں حاصل کیں، طویل عرصے تک پاکستانی کی نمائندگی کرنے والے شاہد آفریدی ہر قسم کی انٹرنیشنل کرکٹ سے ریٹائر ہو چکے ہیں۔