کئی سالوں سے صرف فرنچ فرائیز، چپس اور وائٹ بریڈ کھانے والی نوجوان کی بینائی چلی گئی
امین اکبر بدھ 4 ستمبر 2019 23:52
برطانیہ میں ایک کیس نے ڈاکٹروں کو حیران کر دیا ہے۔ کئی سالوں تک نامناسب خوراک کھانے سے ایک نوجوان کی بینائی بہت زیادہ متاثر ہوئی ہے۔ یہ نوجوان تقریباً نابینا ہو چکا ہے۔ کئی سالوں سے یہ نوجوان صرف فرنچ فرائیز، آلو کے چپس، تلا ہوا گوشت اور وائٹ بریڈ(ڈبل روٹی) کھا رہا ہے۔
برسٹل سے تعلق رکھنے والا نوجوان، جس نے اپنی شناخت ظاہر نہیں کی، پرائمری سکول چھوڑنے کے بعد سے اب تک صرف فرنچ فرائیز، چپس اور وائٹ بریڈ کھاتا ہے۔
یہ نوجوان پہلی بار 14 سال کی عمر میں ڈاکٹر کے پاس گیا، کیونکہ اسے کچھ تھکاؤٹ محسوس ہو رہی تھی، اس کی طبیعت بھی ٹھیک نہیں تھی۔
(جاری ہے)
ڈاکٹر نے اسے طاقت کی دوائیں دی اور خوراک تبدیل کرنے کا کہا۔تین سال بعد اس نوجوان کی نظر بہت زیادہ کمزور ہوئی تو ڈاکٹروں نے اس کی وجہ نامناسب خوراک کوقرار دیا۔
برسٹل آئی ہاسپیٹل کےڈاکٹروں کو کہنا ہے کہ نامناسب خوراک کی وجہ سے نوجوان نیوٹریشنل آپٹک نیوروپیتھی کا شکار ہوگیا ہے۔ اگر یہ بیماری جلد تشخیص ہوجائے تو اس کا علاج ممکن ہے لیکن اس نوجوان کے کیس میں نوجوان کی بینائی کو بحال نہیں کیا جاسکتا۔اس بیماری کی وجہ سے اس وقت 19 سالہ نوجوان کو کالج چھوڑ کر کسی ملازمت کےلیے جدوجہد کرنا پڑ رہی ہے۔گارجین اخبار کے مطابق نوجوان کی نظر اتنی زیادہ خراب ہوگئی ہے کہ اسے قانونی طور پر نابینا قرار دیا گیا ہے۔سکول اور کالج چھوڑنےکے بعد اس کی معاشرتی زندگی بھی تقریباً ختم ہو گئی ہے۔نوجوان نے آئی ٹی کورس کرنے کےلیے کالج میں بھی داخلہ لیا لیکن کم بصارت اور سماعت کے باعث کالج بھی چھوڑنا پڑا۔
اس نوجوان کی والدہ نے بھی اس کا خیال رکھنے کےلیے اپنی ملازمت چھوڑ دی ہے۔ اُن کا کہنا ہے کہ انہیں بچپن میں ہی معلوم ہوگیا تھا کہ اُن کا بیٹا گھر سے لے جانا والا کھانا نہیں کھاتا۔ اس کا ٹفن جیسے جاتا تھا، ویسے ہی واپس آ جاتا تھا۔ فرنچ فرائیز کھانے کی وجہ سے وہ کافی پتلا بھی تھا۔ 14سال کی عمر میں انہیں پتا چلا کہ ان کے بیٹے کے ساتھ نظر کا مسئلہ شروع ہوگیا ہے۔
یہ نوجوان اس وقت وٹامن کی دوائیاں کھا رہا ہے لیکن اس کی خوراک اب بھی وہی فرنچ فرائیز، چپس اور وائٹ بریڈ ہے۔اس نوجوان نے لوگوں میں آگاہی پھیلانے کے لیے حال ہی میں اپنی کہانی چھاپنے کی اجازت دی ہے۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.