سرینگر میں بھارتی فورسز کی طرف سے محرم الحرام کے جلوس پر طاقت کا وحشیانہ استعمال، چار صحافیوں سمیت متعددافراد زخمی

ہفتہ 7 ستمبر 2019 20:43

سرینگر۔ (اُردو پوائنٹ اخبارتازہ ترین - اے پی پی۔ 07 ستمبر2019ء) مقبوضہ کشمیر میں بھارتی فورسز نے سرینگر کے علاقے حسن آباد رعناواری میں محرم الحرام کے جلوس پر طاقت کا وحشیانہ استعمال کیا جس کے نتیجے میںچار صحافیوں سمیت متعدد افراد زخمی ہوگئے ۔

(جاری ہے)

کشمیرمیڈیا سروس کے مطابق بھارتی فورسز نے جلوس کے شرکاء پر پیلٹ فائر کئے ، آنسو گیس کے گولے داغے اور لاٹھی چارج کیا۔

بھارتی فورسز نے جلوس کی عکس بند ی کرنے والے صحافیوں کو بھی تشدد کا نشانہ بنایاجس سے چار صحافی بھی زخمی ہوگئے۔ بھارتی فورسز نے تین صحافیوں شاہد خان ، مدثر ڈار اوربلا ل بٹ کو پکڑ کر لاٹھیوں اور بندوق کے بٹوں سے تشدد کا نشانہ بناکر زخمی کردیا جبکہ فورسز اہلکاروں کی پیلٹ فائرنگ سے بھی ایک فوٹو جرنلسٹ زخمی ہوگیا۔