Live Updates

اگر عزت بچانی ہے تو حکومتی وزرا اور وزیراعظم کو بھی رات 12 بجے کے بعد ٹویٹ کرنے کی اجازت نہ دی جائے

وزیراعظم عمران خان کی دوسری سابقہ اہلیہ ریحام خان نے پاکستان آنے سے متعلق بھی بتا دیا

Sumaira Faqir Hussain سمیرا فقیرحسین پیر ستمبر 15:47

اگر عزت بچانی ہے تو حکومتی وزرا اور وزیراعظم کو بھی رات 12 بجے کے بعد ..
اسلام آباد ( اُردو پوائنٹ تازہ ترین اخبار۔ 09 ستمبر 2019ء) : وزیراعظم عمران خان کی دوسری سابقہ اہلیہ ریحام خان نے مائیکروبلاگنگ ویب سائٹ ٹویٹر پر اپنے پیغام میں کہا کہ حکومت اگر جاتے جاتے اپنی تھوڑی سی عزت بچانا چاہتی ہے تو ان کو چاہئیے کہ تمام وزراء اور وزیراعظم کو رات 12 بجے کے بعد ٹویٹ کرنے کی اجازت نہ دے۔ ٹویٹر پیغام میں انہوں نے اپنی ایک ویڈیو بھی شئیر کی جس میں پاکستان آنے سے متعلق سوال کا جواب دیتے ہوئے ریحام خان کا کہنا تھا کہ میں چھ سال قبل جب پاکستان آئی تھی تو میرا وہ تجربہ کچھ ایسا نہیں رہا کہ مجھے پاکستان آنے کی جلدی ہو ۔

انہوں نے موجودہ حکومتی جماعت پاکستان تحریک انصاف کے حوالے سے بات کرتے ہوئے کہا کہ مجھے وزیراعلیٰ پنجاب عثمان بزدار سے بہت ہمدردی ہے۔

(جاری ہے)

مجھے ایسا لگتا ہے کہ عثمان بزدار کو چھترول پیریڈ کے لیے رکھا گیا ہے۔ ریحام خان نے اپنی ویڈیو میں کہا کہ جن کی ذہنی حالت کے بارے میں ہمیں تشویش ہونی چاہئیے وہ لوگ حکومت میں بیٹھے ہوئے ہیں۔ انہوں نے کہا کہ وفاقی حکومت کے ایک ایسے وزیر بھی ہیں جن کی وجہ شہرت یہ ہے کہ وہ ہر حکومت میں رہے ہیں۔

ایسی کوئی جماعت نہیں ہے جو انہوں نے نہ چھوڑی ہو۔ اور ہر حکومت میں وہ اپنی جگہ بنا لیتے ہیں۔ یہ وہی صاحب ہیں جو پہلے پی ٹی آئی کے لوگوں کو کُتوں سے مشابہت دیتے تھے اور آج وہ خود ہمیں گالیاں دیتے ہیں۔ اُن کے بیانات سے ہمیں شرمندگی ہوتی ہے ، میری ایک دو رائے ہیں۔ ہم ان کی عادات اور جن مصروفیات میں یہ مشغول ہیں، ان کو تو ہم کنٹرول نہیں کر سکتے ، لیکن میری عاجزانہ درخواست ہے کہ اگر آپ اپنی حکومت بچانا چاہتے ہیں ، جاتے جاتے تھوڑی عزت ہی بچانا چاہتے ہیں، تو وفاقی و صوبائی وزرا ، ترجمانوں اور یہاں تک کہ وزیراعظم پر بھی کرفیو لگا دیں کہ یہ لوگ رات بارہ بجے کے بعد ٹویٹر استعمال نہیں کریں گے۔

بلکہ بہت بہتر ہو کہ دفتری اوقات میں بھی ٹویٹ کرنے سے قبل کسی ایک شخص کو دکھا دیں جو آپ کی کابینہ کا حصہ نہ ہو اور آپ کی پی ٹی آئی کا حصہ نہ ہو اور اُس کو دکھا دیں کہ یہ ٹویٹ غلط تو نہیں ہے ؟ اس میں کوئی گالم گلوچ تو نہیں ہے ؟ اس سے پاکستان کی بے عزتی تو نہیں ہو جائے گی یا دنیا میں شرمندگی کا سبب تو نہیں بن جائے گی ؟ ریحام خان نے وفاقی وزیر برائے سائنس و ٹیکنالوجی فواد چوہدری کو سخت تنقید کا نشانہ بنایا۔

آفرین ہے آپ کی تعلیم پر ، آپ کی تعلیمی قابلیت پر ، اُن جماعتوں پر جہاں جہاں آپ تعینات رہے اور اُن لوگوں پر کہ جنہوں نے ایک ایسے شخص کو جو 60 ووٹ بھی حاصل نہیں کر سکتا تھا، ایم این اے بھی بنایا، ایم پی اے بھی بنایا، تو جب آپ استعفے کی بات کرتے ہیں تو پھر صرف عثمان بزدار کا نام ہی کیوں آتا ہے؟ انہوں نے مزید کیا کہا آپ بھی دیکھیں:
وزیراعظم کا دورہ امریکہ سے متعلق تازہ ترین معلومات