سرگودھا کے نواح میں رشتوں کے تنازعہ پر ایک برادری کے دو گروپوں میں جھگڑا کے نتیجہ پر فائرنگ سے خاتون کو قتل اور دیور کو زخمی کر دیا گیا

بدھ ستمبر 13:06

سرگودھا(اُردو پوائنٹ اخبارتازہ ترین - این این آئی۔ 11 ستمبر2019ء) سرگودھا کے نواح میں رشتوں کے تنازعہ پر ایک برادری کے دو گروپوں میں جھگڑا کے نتیجہ پر فائرنگ سے خاتون کو قتل اور دیور کو زخمی کر دیا گیا۔ پولیس نے نعش اور زخمی کو ہسپتال منتقل کر کے تفتیش شروع کر دی۔

(جاری ہے)

زرائع کے مطابق سرگودھا کے نواح میں مسلم شیخ برادری کے ایک گھرانے کی دوشیزہ نسرین بی بی کی شادی نواحی چک 190 شمالی میں ہوئی جو کھچہ عرصہ سے رشتوں کے تنازعات کے باعث شوہر سے علیحدگی کے بعد اپنے ماموں کے ہاں چک 92 شمالی رکھنے لگی تو آپس میں ہونے والے رشتوں اور طلاق کے باعث کئی روز سے گھرانوں میں کشیدگی چلی آ رہی تھی۔

گزستہ روز مسلح افراد نے چک 92 شمالی میں فائرنگ کرکے شوہر سے علحیدگی اختیار کرنے والی خاتون نسرین بی بی کو قتل کردیا اور پھر ملزمان چک 190 شمالی تر کوٹہ پہنچ گے جہاں انہوں نے فائرنگ کرکے مقتولہ نسرین بی بی کے دیور فیصل ندیم کو زخمی کردیا اور دونوں واقعات کے بعد ملزمان موقع سے فرار ہو گے جن میں مقتولہ نسرین بی بی کا حقیقی بھائی سلیم شامل بتلایا جا رہا ہے جس نے ساتھیوں کے ہمراہ دونوں چکوک میں فائرنگ کر کے بہن کو قتل اور اس کے دیور کو زخمی کیا۔پولیس نے مقتولہ کی نعش اور زخمی کو ہسپتال منتقل کر کے تفتیش شروع کر دی ہے۔