پولٹری فارمنگ کے شعبہ میں سرمایہ کاری میں مسلسل اضافہ، کنٹرولڈ فار م ہائوسز کی تعداد 39ہزار سے بھی تجاوز کر گئی

بدھ ستمبر 15:31

فیصل آباد (اُردو پوائنٹ اخبارتازہ ترین - اے پی پی۔ 11 ستمبر2019ء) چھوٹے و بڑے گوشت کی قیمتوں میں مسلسل اضافہ اور کوالٹی میں کمی کے باعث فیصل آباد ڈویژن سمیت پنجاب بھر میں بالخصوص جبکہ دیگر صوبوں میں بالعموم پولٹری فارمنگ کے شعبہ میں سرمایہ کاری میں مسلسل اضافہ ہو رہاہے جبکہ کنٹرولڈ فار م ہائوسز کی تعداد 39ہزار سے بھی تجاوز کر گئی ہے اور مرغی کے گوشت کی معتدل قیمت کے باعث عوا م میں مرغی کے گوشت کے بڑھتے ہوئے استعمال کے باعث پولٹری شیڈز کی تعداد بتدریج بڑھتی جارہی ہے جس سے انڈوں کی پیداوار میں بھی خاطر خواہ اضافہ ہو رہاہے ۔

پولٹری فارمرز ایسوسی ایشن کے ترجمان نے بتایاکہ مستقبل میں پولٹری انڈسٹری میں مزید سرمایہ کاری کاامکان ہے اور ان کی کوشش ہے کہ خواتین کو زیادہ سے زیادہ مرغی کا گوشت استعمال کرنے کی ترغیب دی جائے ۔

(جاری ہے)

انہوںنے کہاکہ مرغی کا گوشت انسانی جسم میں پروٹین کی مقدار کوتوازن فراہم کرنے کااہم ذریعہ ہے ۔ انہوںنے کہاکہ پاکستان میں 60 سے 70 فیصد افراد پروٹین کی کمی کاشکار ہیں۔

انہوںنے بتایاکہ ہر شخص کو 24گھنٹوں کے دوران کم از کم 27 گرام پروٹین کی ضرورت ہوتی ہے جبکہ ہم روزانہ 15 گرام پروٹین فراہم کررہے ہیں۔ انہوںنے کہاکہ پولٹری فارمرز ایسوسی ایشن کے زیر اہتمام ایک انٹر نیشنل ایکسپو کا بھی اہتمام کیا جارہا ہے جس میں 175 سے زائد کمپنیاں شرکت کریں گی اور پولٹری فارمنگ کے فروغ کیلئے اقدامات کئے جائیں گے۔

متعلقہ عنوان :