مظفرگڑھ، بیکن ہال سکول کے زیر اہتمام یکجہتی کشمیر ریلی کا انعقاد

بدھ 11 ستمبر 2019 16:28

مظفرگڑھ (اُردو پوائنٹ اخبارتازہ ترین - اے پی پی۔ 11 ستمبر2019ء) بیکن ہال سکول مظفرگڑھ کے زیر اہتمام یکجہتی کشمیر ریلی کا انعقاد ہوا جس کی قیادت پروفیسرافتخاراحمدہاشمی، راناعمردرازفاروقی،عبداللہ ولیدہاشمی(پرنسپل) ڈاکٹرحافظ بشیراحمد،احمدجمال بلوچ اور حافظ اظہرعباس نے کی۔

(جاری ہے)

کشمیر ریلی سے مقررین نے خطاب کرتے ہوئے کہا کہ اس وقت پاکستان کی شہ رگ کشمیر میں کرب وبلا کی تاریخ دہرائی جارہی ہے، مسلسل کرفیو کے باعث اہل کشمیر کی زندگی نہایت تکلیف کی حالت میں ہے، سڑکوں اور گلیوں میں خون کی بارش، نوجوانوں کی گرتی لاشیں، بلکتے بچے، بیمار بوڑھے اور خواتین، انسانی حقوق کی خلاف ورزی اور درندگی عروج پر ہے۔

انہوں نے کہا کہ جماعت اسلامی ہمیشہ کی طرح اب بھی کشمیری عوام اور مجاہدین کے ساتھ ہے اور لاکھوں لوگوں کے ساتھ سڑکوں پر ہے۔