Live Updates

چین افغانستان کے امن عمل کی کامیابی کے لیے ہر اقدام کی حمایت کرے گا.چینی سفیر

کشمیر پر بین الاقوامی معاہدے اور اقوام متحدہ کی قراردادیں لاگو ہوتی ہیں. پشاور میں تقریب سے خطاب

Mian Nadeem میاں محمد ندیم بدھ ستمبر 15:55

چین افغانستان کے امن عمل کی کامیابی کے لیے ہر اقدام کی حمایت کرے گا.چینی ..
پشاور(اردوپوائنٹ اخبارتازہ ترین-انٹرنیشنل پریس ایجنسی۔11 ستمبر۔2019ء) پاکستان میں چین کے سفیر یاﺅ جنگ نے امریکا افغان طالبان مذاکرات کے بے نتیجہ اور اچانک اختتام پر حیرت کا اظہار کرتے ہوئے کہا کہ چین افغانستان کے امن عمل کی کامیابی کے لیے ہر اقدام کی حمایت کرے گا. جامعہ پشاور میں 2 روزہ پاک چین اقتصادی راہداری (سی پیک) بی آر ٹی کانفرنس سے خطاب کرتے ہوئے چینی سفیر نے کہا کہ چین انفراسٹرکچر اور توانائی کے بعد پاکستان کے ساتھ صنعتی اور تجارتی تعلقات بھی بڑھانے کا خواہش مند ہے.

(جاری ہے)

اس موقع پر انہوں چینی سفیر یاﺅ زنگ نے پاکستان اور افغانستان کی سرحد طور خم بارڈر کو 24 گھنٹے کھلے رکھنے کا بھی خیر مقدم کیا‘انہوں نے کہا کہ چین طور خم سرحد پر کولڈ اسٹوریج، ہسپتال اور کسٹم کی سہولیات فراہم کرنے کا ارادہ رکھتا ہے. چینی سفیر نے کہا کہ پشاور اور کراچی کو ملانے والی موٹروے کی جلد تکمیل چین کی دیرینہ خواہش ہے‘اپنے خطاب میں چینی سفیر نے بھارت کی جانب سے 5 اگست کو مقبوضہ کشمیر کی خصوصی حیثیت ختم کرنے کے بعد کی صورتحال پر بھی تبادلہ خیال کیا.

چینی سفیر نے کہاکہ کشمیر پر بین الاقوامی معاہدے اور اقوام متحدہ کی قراردادیں لاگو ہوتی ہیں‘خیال رہے کہ چین کے وزیر خارجہ وانگ ژی کے 7 اور 8 ستمبر کے پاکستان کے دورے کے بعد 8 ستمبر کو مشترکہ اعلامیے میں چین کی صورتحال پر تبادلہ خیال کیا گیا تھا. چینی وزیر خارجہ نے کہا تھا کہ وہ مقبوضہ جموں و کشمیر کی موجودہ صورتحال پر پوری توجہ دے رہے ہیں، کشمیر تاریخ کا ایک تنازع ہے جسے اقوام متحدہ کے منشور، سلامتی قونصل کی متعلقہ قراردادوں اور دو طرفہ معاہدوں کے ذریعے حل کیا جانا چاہیے. انہوں نے مزید کہا تھا کہ چین، مقبوضہ کشمیر کی صورتحال کو پیچیدہ بنانے والے یکطرفہ اقدامات کی مخالفت کرتا ہے.
تنازعہ مقبوضہ کشمیر کی بھڑکتی ہوئی آگ سے متعلق تازہ ترین معلومات