آج داد ی کی یاد آرہی ہے اور اس کیساتھ سیاسی مخالفین کی باتیں بھی یاد آرہی ہیں ‘ زید حسین نواز

میرے دادا کو بغیر کسی جرم کے قید کر رکھاہے ،دادی کی بیماری پر جو بیانات دئیے جاتے تھے وہی رویہ دادا کیساتھ بھی ہے

بدھ 11 ستمبر 2019 17:30

آج داد ی کی یاد آرہی ہے اور اس کیساتھ سیاسی مخالفین کی باتیں بھی یاد ..

لاہور(اُردو پوائنٹ اخبارتازہ ترین - این این آئی۔ 11 ستمبر2019ء) سابق وزیر اعظم محمد نواز شریف کے پوتے زید حسین شریف نے اپنی دادی بیگم کلثوم نواز کی پہلی برسی پر خراج عقیدت پیش کرتے ہوئے کہا ہے کہ اس موقع پر ان کی یاد آرہی ہے اور اس کے ساتھ سیاسی مخالفین کی باتیں بھی یاد آرہی ہیں او رآج بھی ویسی ہی صورتحال ہے ۔

(جاری ہے)

حسین نواز کے صاحبزادے نے سوشل میڈیا پر اپنے بیان میں کہا کہ میرے دادا کو بغیر کسی جرم کے قید کر رکھاہے اور اس پر ستم یہ ہے کہ انہیں مناسب طبی سہولیات بھی میسر نہیں ۔ جیسے میری دادی کی بیماری پر بیانات دئیے جاتے تھے وہی رویہ اب میرے دادا کے ساتھ بھی ہے ۔ دکھ اس بات کا ہے کہ ہمارے مخالفین بہت ہی کم ظرف ہو چکے ہیں۔