مقبوضہ کشمیر کی صورتحال انتہائی تشویشناک ہے ، فی الفور کرفیو اٹھایا جائے ،وزیر خارجہ
ہمیں مشترکہ اسٹیٹمنٹ میں 58 ممالک کی حمایت حاصل ہوئی ، یہ ہمارے لیے بہت حوصلہ افزا امر ہے، شاہ محمود قریشی کی میڈیا سے بات چیت پاکستان اور ترکی کے مابین دو طرفہ تعلقات ہمیشہ مثالی رہے ہیں دونوں ممالک نے ایک دوسرے کا ہمیشہ ساتھ دیا ، ترک میڈیا کو انٹرویو
بدھ 11 ستمبر 2019 23:32
(جاری ہے)
انہوںنے کہاکہ ہم نے کوئی نیا مطالبہ نہیں کیا اقوام متحدہ کے ہیومن رائٹس کمیشنر کی رپورٹس میں پہلے سے ہی صورتحال کا غیر جانبدارانہ جائزہ لینے کیلئے کمیشن آف انکوائری کے قیام کی سفارش موجود ہے جو غیر جانبدارانہ طور پر مقبوضہ کشمیر کی صورتحال کو دیکھتے ہوئے اپنی سفارشات مرتب کرے۔
انہوںنے کہاکہ گزشتہ روز ہمیں مشترکہ اسٹیٹمنٹ میں 58 ممالک کی حمایت حاصل ہوئی اور یہ ہمارے لیے بہت حوصلہ افزا امر ہے۔وزیر خارجہ مخدوم شاہ محمود قریشی نے ترک میڈیا کو دیئے گئے انٹرویو میں کہاکہ جب ایک متنازعہ علاقے کا جبرا آبادیاتی تناسب تبدیل کیا جاتا ہے اکثریت کو زبردستی اقلیت میں تبدیل کرنے کی کوشش کی جائیگی تو ہم اسے جینو سائیڈ سے تعبیر کریں گے،گزشتہ روز پچاس سے زائد ممالک نے مشترکہ اسٹیٹمنٹ میں سپورٹ کیا جس کی تفصیل ہمارا سفارت خانہ جاری کرے گا۔ انہوںنے کہاکہ پاکستان اور ترکی کے مابین دو طرفہ تعلقات ہمیشہ مثالی رہے ہیں دونوں ممالک نے ایک دوسرے کا ہمیشہ ساتھ دیا جس کا ایک مظاہرہ ہم نے کل او آئی سی میں بھی دیکھا جب مشترکہ اسٹیٹمنٹ کے وقت ترکی کے سفیر، او آئی سی کی مشترکہ اسٹیٹمنٹ پر بات کرنے میں سب سے آگے آگے تھے سو ہمارے ترکی کے ساتھ تعلقات بہت اچھے ہیں۔ انہوںنے کہاکہ ہم جلد ترک صدر رجب طیب اردگان کے دورہ پاکستان کے منتظر ہیں جس میں ہم ترکی اور پاکستان کے مابین دو طرفہ جامع اقتصادی تعاون پر بات چیت کریں گے۔ انہوںنے کہاکہ ہم افغان امن عمل کی حمایت کرتے ہیں اور ہم نے اس میں مصالحانہ کردار ادا کیا ہے ہمارا پیغام یہی ہے کہ شدت پسندی کو ترق کر کے امن کو ایک موقع دیا جائے۔ انہوںنے کہاکہ ہندوستان نے نائن الیون کے بعد انتہائی چالاکی سے کشمیریوں کی حق خودارادیت کی جدوجہد کو دہشتگردی سے منسوب کرنے کی کوشش کی جبکہ وہ اپنے حقوق کی جنگ لڑ رہے ہیں۔ انہوںنے کہاکہ ہمیں بڑھتے ہوئے اسلاموفوبیا پر گہری تشویش ہے اور اقوام متحدہ جنرل اسمبلی کے اجلاس کے موقع پر پاکستان ترکی اور ملائشیا اس موضوع پر ایک مباحثے کا اہتمام کر رہے ہیں۔ انہوںنے کہاکہ سول سوسائٹی ، ہیومن رائٹس کی تنظیموں، اقوام متحدہ کے مندوبین، او آئی سی کے آفیشلز، اقوام متحدہ ہیومن رائٹس کمشنر کے ساتھ بہت مفید روابط رہے اور جو مشترکہ اعلامیہ سامنے آیا ہے وہ بڑا حوصلہ افزا ہے۔ انہوںنے کہاکہ میں نے یہاں سول سوسائٹی، این جی اوز اور بین الاقوامی میڈیا میں جو ماحول دیکھا ہے وہ بہت مثبت ہے آج وہ ہندوستان کے رویے پر سوال اٹھا رہے ہیں اور ہندوستان کو جواب دینے میں دقت پیش آ رہی ہے ان سے جواب بن نہیں پا رہا۔ انہوںنے کہاکہ آج گیارہ ستمبر ہے ہم نے تو یکم اگست کو اپنے خدشات کا اظہار کر دیا تھا - میں نے سیکرٹری جنرل اقوام متحدہ، صدر سیکورٹی کونسل، صدر جنرل اسمبلی کو خطوط لکھ کر اپنے خدشات سے آگاہ کر دیا تھا۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.