’’آئیں چلیں سب مظفرآباد،بن کر کشمیریوں کی آواز‘‘فردوس عاشق اعوان کا ٹوئٹ

آئیں مظلوموں پر جبر و استبداد کے خلاف وزیراعظم کی آواز کے ساتھ اپنی آواز بلند کریں اور کشمیریوں سے یک جہتی کریں

جمعرات 12 ستمبر 2019 13:32

’’آئیں چلیں سب مظفرآباد،بن کر کشمیریوں کی آواز‘‘فردوس عاشق اعوان ..

اسلام آباد(اُردو پوائنٹ اخبارتازہ ترین - این این آئی۔ 12 ستمبر2019ء) وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہاہے کہ ’’آئیں چلیں سب مظفرآباد،بن کر کشمیریوں کی آواز‘‘۔

(جاری ہے)

جمعرات کو ٹوئٹر پر اپنے بیان میں انہوںنے کہاکہ وزیراعظم عمران خان کی قیادت میں(آج) جمعہ کو مظفرآباد میں بھارتی مظالم کے خلاف مقبوضہ جموں کشمیر کے نہتے عوام کی آواز کو پوری دنیا تک پہنچائیں گے۔ انہوںنے کہاکہ یہ وقت اتحاد اور یکجہتی کا ہے،دنیا کو پیغام دینا ہے کہ پورا پاکستان کشمیر کے لئے ایک ہے۔ انہوںنے کہاکہ آئیں مظلوموں پر جبر و استبداد کے خلاف وزیراعظم کی آواز کے ساتھ اپنی آواز بلند کریں اور کشمیریوں سے یک جہتی کریں۔