ایئرپورٹ پر اندرون و بیرو ن ممالک سے آنے والی 9پروازیں منسوخ ،متعدد تاخیر کاشکار

جمعرات 12 ستمبر 2019 15:13

لاہور(اُردو پوائنٹ اخبارتازہ ترین - این این آئی۔ 12 ستمبر2019ء) لاہور کے علامہ اقبال انٹرنیشنل ایئرپورٹ پر اندرون و بیرو ن ممالک سے آنے والی 9پروازیں منسوخ جبکہ متعدد پروازیں تاخیر کاشکار ہوئیں جس سے شہریوں کو شدید مشکلات کا سامنا کرنا پڑا ۔

(جاری ہے)

منسوخ ہونے والی پروازوں میں پی آئی اے کی بنکاک دوطرفہ پرواز 890/891،پی آئی اے کی کراچی کی دوطرفہ پرواز 313/312،پی آئی اے کی کوئٹہ کی دوطرفہ پرواز 322'/323،پی آئی اے کی سکھر سے آنے والی پرواز 594،پی آئی اے کی جدہ سے آنے والی پرواز 760اورپی آئی اے کی اوسلو سے انے والی پرواز 752منسوخ جبکہ تاخیر کاشکار ہونے والی پروازوں میں اتحاد ائر کی ابوظہبی سے آنے والی پرواز 241اورجانے والی پرواز 242،پی آئی اے کی دمام سے آنے والی پرواز 248،دمام سے آنے والی پرواز 157،دمام سے آنے والی پرواز 177،سعودی ائر کی جدہ سے آنے والی پرواز734،پی آئی اے کی ریاض جانے والی پرواز 725،ایمرٹس ائر کی دبئی جانے والی پرواز 623اورتہران جانے والی پرواز 1194تاخیر کاشکارہونے والی پروازوں میں شامل ہے ۔