کیربیئن پریمیئر لیگ، سینٹ لوشیا ذوکس نے جمیکا تلاواز کو 5 وکٹوں سے ہرا دیا

جمعہ 13 ستمبر 2019 16:11

کنگسٹن (اُردو پوائنٹ اخبارتازہ ترین - اے پی پی۔ 13 ستمبر2019ء) کیربیئن پریمیئر لیگ میں سینٹ لوشیا ذوکس نے جمیکا تلاواز کو 5 وکٹوں سے شکست دے دی، فاتح ٹیم نے 171 رنز کا ہدف 17 ویں اوور میں 5 وکٹوں کے نقصان پر حاصل کر لیا، راکیم کرنوال نے 75 رنز کی دھواں دار اننگز کھیلی۔

(جاری ہے)

سبائنا پارک، کنگسٹن میں کھیلے گئے لیگ کے نویں میچ میں جمیکا تلاواز نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 170 رنز بنائے، گلین فلپس 58 اور رومین پاول 44 رنز کے ساتھ ٹاپ سکورر رہے، فواد احمد اور اوبید میکائے نے دو دو وکٹیں حاصل کیں۔

جواب میں سینٹ لوشیا ذوکس نے ہدف 16.4 اوورز میں 5 وکٹوں کے نقصان پر حاصل کر لیا، راکیم کرنوال نے شاندار بیٹنگ کا مظاہرہ کیا اور 8 چھکوں کی مدد سے صرف 30 گیندوں پر 75 رنز بنائے، انہیں مین آف دی میچ کا ایوارڈ دیا گیا۔ ذوکس کی یہ ٹورنامنٹ میں تیسری کامیابی ہے۔

Facebook Twitter Google + Share on Whatsapp

کیربیئن پریمیئر لیگ، سینٹ لوشیا ذوکس نے جمیکا تلاواز کو 5 وکٹوں سے ہرا دیا

متعلقہ عنوان :

مزید کھیلوں کی خبریں