کشمیر پاکستان کی شہ رگ ہے آزادی تک جنگ جاری رہے گی ، ماسٹر سراج الدین

جمعہ 13 ستمبر 2019 16:24

ڈیرہ اسماعیل خان (اُردو پوائنٹ اخبارتازہ ترین - اے پی پی۔ 13 ستمبر2019ء) یونین کونسل شورکوٹ کی ویلج گومل کلاں کے ماسٹر سراج الدین نے کہا ہے کہ کشمیر پاکستان کی شہ رگ ہے کشمیری کی آزادی تک جنگ جاری ہے اور جاری رہے گی وزیراعظم پاکستان عمران خان کی کشمیریوں سے یکجہتی کی تحریک کے لئے کشمیر کے لئے عوامی آگاہی مہم لائق تحسین ہے انہوں نے کہا کہ کشمیریوں کا دکھ تکلیف ہم محسوس کرتے ہیں اور تمام مسلمانوں کو بھی اس کا احساس کرنا چاہیے۔

(جاری ہے)

انہوں نے کہا کہ میں موٹر سائیکل مہم کے ذریعے لوگوں کو بیدار کر رہا ہوں ،میں ہر گاؤں جاؤں گا کیونکہ شہر کے لوگوں کو تو سوشل میڈیا پرنٹ میڈیا الیکٹرانک میڈیا کے ذریعے آگاہی مل رہی ہے لیکن دیہی آبادی کے لوگ میڈیا کی رسائی حاصل نہ ہونے پر لاعلم ہیں۔ انشاء اللہ کشمیری بھائیوں کے لئے خون کا آخری قطرہ بھی حاضر ہے ۔ہم اپنے کشمیری مسلمان بھائیوں کے ساتھ تھے، ہیں اور رہیں گے ، ہماری دیہی آبادیوں میں کشمیری بھائیوں کے لئے مہم جاری رہے گی