سرفراز احمد نے سپر فٹ ہونے کا عزم کرلیا

لاہور(اردو پوائنٹ تازہ ترین اخبار۔13ستمبر2019ء) قومی کرکٹ ٹیم کے کپتان سرفراز احمد پر سپر فٹ ہونے کا جنون طاری ہوگیا۔سرفراز احمد پری سیزن کیمپ ختم ہونے کے باوجود ٹریننگ جاری رکھے ہوئے ہیں اور ٹرینر یاسر ملک کی نگرانی میں نیشنل کرکٹ اکیڈمی میں ٹریننگ کر رہے ہیں۔قومی کپتان نے فٹنس کیلئے پہلے ہی 7 سے 9 کلو وزن کم کیا ہے لیکن انہوں نے مزید سپر فٹ ہونے کی ٹھانی لی ہے۔

(جاری ہے)

سرفراز احمد مزید 3 سے 4 چار روز ٹریننگ کریں گے تاکہ آئندہ کے بھرپور سیزن کے لیے خود کو تیار رکھ سکیں جب کہ سینئر ٹیسٹ بلے باز اظہر علی، عابد علی اور لیگ سپنر یاسر شاہ بھی ٹریننگ جاری رکھے ہوئے ہیں۔قومی ٹیم کے ہیڈ کوچ اور چیف سلیکٹر مصباح الحق پہلے ہی کہہ چکے ہیں کہ سرفراز احمد اپنی فٹنس میں بہتری لے کر آئے ہیں لیکن کپتانی سے متعلق فیصلہ ابھی زیر غور ہے۔امکان ظاہر کیا جا رہا ہے کہ سرفراز احمد مختصر دورانیے کی کرکٹ میں اپنی کپتانی بچانے میں کامیاب رہیں گے جب کہ ٹیسٹ فارمیٹ کی قیادت اظہر علی کو کپتانی سونپی جائے گی۔