ڈی آئی جی آپریشنز لاہور کااے ایس آئی عبدالمطلب کی ٹریفک حادثہ میں ہلاکت پر گہرے دکھ اور افسوس کا اظہار

مرحوم کے اہل خانہ کو دکھ کی اس گھڑی میں تنہا نہیں چھوڑیں گے،بھرپور تعاون جاری رکھیں گے،ڈی آئی جی آپریشنز

جمعہ 13 ستمبر 2019 23:55

لاہور۔13 ستمبر(اُردو پوائنٹ اخبارتازہ ترین - اے پی پی۔ 13 ستمبر2019ء) فلائنگ سکواڈ میں تعینات اے ایس آئی عبدالمطلب زخموں کی تاب نہ لا کر جاں بحق ہوگیا۔ عبدالمطلب آج ڈیوٹی سے واپس گھر جاتے ہوئے ٹریفک حادثہ میں شدید زخمی ہو گیا تھا۔ڈی آئی جی آپریشنز لاہور اشفاق خان نے اے ایس آئی عبدالمطلب کی ہلاکت پر گہرے دکھ اور افسوس کا اظہارکیا ۔

(جاری ہے)

انہوں نے ایس پی ہیڈ کوارٹرز سید کرار حسین اور ڈی ایس پی ہیڈ کوارٹرزکو مرحوم کی تدفین کے تمام انتظامات بطریق احسن کرنے کی ہدایت کی۔

اشفاق خان نے مرحوم کے اہل خانہ کے ساتھ دلی ہمدردی کا اظہارکرتے ہوئے کہا کہ مرحوم کے اہل خانہ کو دکھ کی اس گھڑی میں تنہا نہیں چھوڑیں گے،بھرپور تعاون جاری رکھیں گے۔مرحوم اے ایس آئی عبدالمطلب کوٹ کمبوہ خورد لاہور کا رہائشی تھا۔