ماہرین زراعت نے کاشتکار وں کوسبزیات کی آبپاشی میں کسی کوتاہی کا مظاہرہ نہ کرنے کی ہدایت کردی

اتوار 15 ستمبر 2019 13:35

فیصل آباد (اُردو پوائنٹ اخبارتازہ ترین - اے پی پی۔ 15 ستمبر2019ء) :موسم گرما کی شدت اور حبس کے باعث ماہرین زراعت نے سبزیوں کے کاشتکاروں کو 8سی10دن کے وقفہ سے آبپاشی جاری رکھنے کی ہدایت کی ہے اورکہاہے کہ چونکہ موسم گرما کی شدت کے ساتھ ساتھ حبس بھی موجود ہے لہٰذا کاشتکار سبزیات کی آبپاشی میں کسی کوتاہی کا مظاہرہ نہ کریں اور 8سی10 دن کے وقفہ سے سبزیوں کو پانی دیتے رہیں تاہم کمزور زمین میں یہ وقفہ 4سی5دن بھی کیا جا سکتا ہے۔

(جاری ہے)

ماہرین زراعت نے بتایاکہ موسم گرما کے دوران بینگن اور بھنڈی کی فصل پر ہڈابیٹل ، سبز تیلے اور جوؤں کا حملہ ہو سکتاہے لہٰذا کاشتکار ماہرین زراعت یا محکمہ زراعت توسیع کے عملہ کی مشاورت سے سفارش کردہ زہروں کا بروقت سپرے کریں۔ انہوںنے بتایاکہ اگر گھیا کدو ، چپن کدو ، حلوہ کدو، کھیرے اور گھیا توری پر کدو کی لال بھونڈی کا حملہ مشاہدے میںآئے تو فوری طورپر ماہرین زراعت یا محکمہ زراعت توسیع کے فیلڈ سٹاف سے مشورہ کرکے مناسب زہرکادھوڑا یا سپرے کیا جائے تاکہ فصلات کو نقصان سے بچایاجاسکے۔