قائداعظم ٹرافی، گیند لگنے سے عثمان صلاح الدین میچ سے دستبردار

عثمان صلاح الدین کو فیلڈنگ کے دوران گردن پر گیند لگی تھی

Zeeshan Mehtab ذیشان مہتاب اتوار ستمبر 15:16

قائداعظم ٹرافی، گیند لگنے سے عثمان صلاح الدین میچ سے دستبردار
لاہور(اردو پوائنٹ تازہ ترین اخبار۔15ستمبر2019ء) پاکستان کی ڈومیسٹک کرکٹ میں کن کشن قانون کے استعمال کا پہلا موقع ہے، سینٹرل پنجاب کے عثمان صلاح الدین گردن پر گیند لگنے کے باعث میچ سے دستبردار ہوگئے، دائیں ہاتھ کے بیٹسمین محمد سعد بطور متبادل ٹیم میں شامل ہوگئے، محمد سعد کو میچ کے دوران باﺅلنگ کی اجازت نہیں ہوگی۔

(جاری ہے)

سینٹرل پنجاب کے کھلاڑی عثمان صلاح الدین کو گذشتہ روز فیلڈنگ کے دوران گردن پر گیند لگی تھی، عثمان صلاح الدین نے سر اور گردن میں درد کے ساتھ ساتھ آنکھوں میں دھندلے پن کی شکایت کی، سینٹرل پنجاب اور سدرن پنجاب کے درمیان قائداعظم ٹرافی2019ء کا میچ قذافی سٹیڈیم ،لاہور میں جاری ہے۔

یاد رہے کہ کنکشن قانون کے تحت گردن یا سر پر گیند لگنے کی وجہ سے اگر کسی کھلاڑی پر غنودگی کی کیفیت طاری ہو یا تکلیف محسوس کرے تو اس کا متبادل لیا جا سکتا ہے۔ ایشز سیریز2019ءمیں سابق کینگرو کپتان سٹیو سمتھ کے سر پر چوٹ لگی تو اسی قانون کے تحت مارنس لبسشین کو ان کا متبادل لیا گیا تھا۔