سعودی تیل کی تنصیبات پر ڈورن حملے کے نتیجے میںعالمی سپلائی 5 فیصد کم، نرخوں میں 15 سے 19 فیصد تک اضافہ

پیر 16 ستمبر 2019 10:25

لندن ۔ (اُردو پوائنٹ اخبارتازہ ترین - اے پی پی۔ 16 ستمبر2019ء) سعودی عرب کی قومی آئل کمپنی آرامکو کی آئل تنصیبات پر ڈورن حملے اور اس کے نتیجے میں تیل کی پیداوار میں کمی سے عالمی سپلائی میں 5 فیصد کمی اور نرخوں میں 15 فیصد سے زیادہ اضافہ ہوا ہے۔

(جاری ہے)

برطانوی نشریاتی ادارے کی رپورٹ کے مطابق ہفتے کے روز سعودی آرامکو کی دوبڑی آئل تنصیبات پر ڈرون حملے کے نتیجے میں ملکی پیداوار نصف سے زیادہ کم ہوگئی جبکہ اس سے عالمی سپلائی میں 5 فیصد سے زیادہ کمی ریکارڈ کی گئی ہے۔

پیر کے روز ابتدائی تجارتی سرگرمیوں کے دوران برنٹ نارتھ سی کروڈ کے نرخ 19 فیصد بڑھ کر 71.95 ڈالر فی بیرل جبکہ ویسٹ ٹیکساس انٹرمیڈیٹ کے سودے 15 فیصد اضافے کے ساتھ 63.34 ڈالرفی بیرل طے پائے۔ادھر سعودی آرامکو کا کہنا ہے کہ اس کی آئل تنصیبات پر حملوں کے نتیجے میں تیل کی ملکی پیداوار میں 5.7 بیرل یومیہ کی کمی آئی ہے۔