آرام کو کے ابتدائی آئی پی اوز لانچ کرنے کے لئے دنیا کی9 بڑے بنکوں پر مشتمل ٹیم کی تشکیل

پیر 16 ستمبر 2019 11:05

دبئی۔ (اُردو پوائنٹ اخبارتازہ ترین - اے پی پی۔ 16 ستمبر2019ء) سعودی قومی تیل کمپنی آرام کو نے اپنے ابتدائی آئی پی اوز لانچ کرنے کے لئے دنیا کی9 بڑے بنکوں پر مشتمل جوائنٹ گلوبل کوآرڈینیٹر ٹیم تشکیل دیدی۔آرام کو سٹاک مارکیٹ میں دنیا کے سب سے بڑے آئی پی اوز لانچ کرنے والی ہے جن کا حجم 20 بلین ڈالر کے لگ بھگ ہو گا جبکہ ان آئی پی اوز کے مارکیٹ میں آنے سے آرام کو کو 100بلین ڈالر کی آمدن متوقع ہے۔

(جاری ہے)

ابتدائی طور یہ آئی پی اوز سعودی سٹاک مارکیٹ میں لانچ کیئے جائیں گے جبکہ آئندہ سال نیویارک اور لندن کی سٹاک مارکیٹس میں بھی آرام کو جگہ بنائے گی۔آرام کو نے آئی پی اوز کی لانچنگ کے لئے ہروال کردار جے پی مورگن، مورگن سٹینلے اور سعودی عرب نیشنل کمرشل بینک کو دیا ہے جبکہ بینک آف امریکا،میرل لینچ ،گولڈ مین ساچز،کریڈٹ سوئس اور ایچ ایس بی سی کو بھی منصوبے میں شامل کیا گیا ہے۔آرام کو کو رواں سال اپنے بانڈز کی فروخت سے 12بلین ڈالر حاصل ہوئے ہیں۔