مرد اور خواتین کی ٹیموں کے دو فٹ بال میچز 21 ستمبر کو کھیلے جائینگے

پیر 16 ستمبر 2019 12:55

اسلام آباد (اُردو پوائنٹ اخبارتازہ ترین - اے پی پی۔ 16 ستمبر2019ء) کریم خان آفریدی ویلفیئر فاؤنڈیشن کے زیراہتمام ادویات کی زیادہ مقدار استعمال کرنے کی آگاہی کے حوالے سے انٹرنیشنل ڈے کے موقع پر 21 ستمبر کو مرد اور خواتین کی ٹیموں کے درمیان دو نمائشی فٹ بال میچ جناح سٹیڈیم، اسلام آباد میں کھیلے جائیں گے۔

(جاری ہے)

پہلا میچ ہاکس اور ہائی لینڈرز کی ویمنز ٹیموں کے درمیان کھیلا جائے گا جبکہ دوسرا میچ اسلام آباد اور آزاد جموں و کشمیر کی مینز ٹیموں کے درمیان کھیلا جائے گا۔

چیف آرگنائزر فیصل لطیف نے بتایاکہ میچز کی تیاریاں زور و شور سے جاری ہیں اور اس دن کو منانے کا مقصد لوگوں میں یہ آگاہی کرنا ہے کہ سالانہ ہزاورں کی تعداد میں لوگ ادویات کی زیادہ مقدار استعمال کرنے پر زندگی سے ہاتھ دھو بیٹھتے ہیں۔ انہوں نے کہا کہ ہم نے صحت مند معاشرے کو پروان چڑھنا ہے اور نوجوان کو منشیات کی لعنت سے دور رکھنا ہے یہ دن پوری دنیا میں ہر سال 21 ستمبر منایا جاتا ہے۔