Live Updates

گور نر مکہ مکرمہ شہزادہ خالد الفیصل نے غسل کعبہ کی رسم ادا کی

پیر نور الحق قادری نے بھی کعبہ شریف کے اندر داخل ہوکر غسل مبارک میں حصہ لیا، پاکستان کیلئے خصوصی دعائیں

پیر ستمبر 13:51

گور نر مکہ مکرمہ شہزادہ خالد الفیصل نے غسل کعبہ کی رسم ادا کی
اسلام آباد (اُردو پوائنٹ اخبارتازہ ترین - این این آئی۔ 16 ستمبر2019ء) خادم حرمین شریفین شاہ سلمان بن عبدالعزیز کی نیابت کرتے ہوئے گورنر مکہ مکرمہ شہزادہ خالد ا لفیصل نے غسل کعبہ کی رسم ادا کی۔مذہبی امور کے وفاقی وزیرپیر نور الحق قادری خصوصی دعوت پر غسل کعبہ کی رسم کی خصوصی شرکت کی۔پیر نور الحق قادری نے بھی کعبہ شریف کے اندر داخل ہوکر غسل مبارک میں حصہ لیا۔

(جاری ہے)

وفاقی وزیر مذہبی امور نے خانہ کعبہ کے اندر پاکستان اور مسلمہ امہ کے لئے خاص طور پرپاکستان کی سلامتی ا و رخوشحالی اور مقبوضہ کشمیر کے عوام کے لئے خصوصی دعا کی۔عرق گلاب سے معطر آب زم زم سے کعبہ کو غسل دیا گیا۔ اندرونی دیواروں کو بھی عرق گلاب ملے آب زمزم سے گیلے کپڑے سے صاف کیا گیا۔غسل کعبہ کی رسم سا ل میں ایک مرتبہ 15محرم کو ادا کی جاتی ہے۔ اس موقع پر نائب گورنر شہزادہ بدر بن سلطان ،مسجد الحرام و مسجد نبوی انتظامیہ کے سربراہ شیخ ڈاکٹر عبدلرحمان السدیس، سعودی عرب میں متعین مسلم سفارتکار، ممتاز علما، وزراء ،کلید برداران کعبہ اور مقامی شہری شریک ہوئے۔
تنازعہ مقبوضہ کشمیر کی بھڑکتی ہوئی آگ سے متعلق تازہ ترین معلومات