Live Updates

العزیزیہ ریفرنس،نواز شریف کی سزا کے خلاف اپیل کی سماعت پرسوں ہوگی

پیر ستمبر 14:02

العزیزیہ ریفرنس،نواز شریف کی سزا کے خلاف اپیل کی سماعت پرسوں ہوگی
اسلام آباد(اُردو پوائنٹ اخبارتازہ ترین - این این آئی۔ 16 ستمبر2019ء) العزیزیہ ریفرنس میں سزا کے خلاف نواز شریف کی اپیل سماعت اسلام آباد ہائی کورٹ کا دو رکنی بینچ پرسوں 18 ستمبر کو کرے گا۔تفصیلات کے مطابق اسلام آباد ہائی کورٹ میں اٹھارہ ستمبر کو سابق وزیر اعظم نواز شریف کی العزیزیہ ریفرنس میں سزا معطلی کی اپیل کی سماعت ہوگی۔

(جاری ہے)

احتساب عدالت کے سابق جج ارشد ملک کا بیان حلفی بھی اپیل کے ساتھ منسلک کیا گیا ہے، جج بلیک میلنگ اسیکنڈل سامنے آنے کے بعد کیس میں نئے نکات زیر بحث آئیں گے۔

یاد رہے کہ اسلام آباد کی احتساب عدالت نے سابق وزیر اعظم نواز شریف کو العزیزیہ اسٹیل ملز ریفرنس میں 7 سال قید اور جرمانے کی سزا سنائی تھی جس کے خلاف انھوں نے اسلام آباد ہائی کورٹ میں اپیل دائر کر رکھی ہے۔
نواز شریف ہسپتال منتقل سے متعلق تازہ ترین معلومات