نمرتا نے آج مٹھائی تقسیم کی تھی، وہ خوش تھی، نہ جانے کیا ہوا: میڈیکل کالج کے ہاسٹل میں جاں بحق ہوانے والی طالبہ کی دوست کا بیان

نمرتا خوش تھی اور ایسی لڑکی نہیں تھی کو خودکشی کرتی، نہیں پتا کہ کیا ہوا: وشال

Usman Khadim Kamboh عثمان خادم کمبوہ منگل ستمبر 00:40

نمرتا نے آج مٹھائی تقسیم کی تھی، وہ خوش تھی، نہ جانے کیا ہوا: میڈیکل ..
لاڑکانہ (اُردو پوائنٹ اخبارتازہ ترین ۔ 16 ستمبر2019ء) میڈیکل کالج کے ہاسٹل میں جاں بحق ہوانے والی طالبہ کی دوست کا بیان سامنے آگیا ہے جس نے معاملے کو اور پیچیدہ کر دیا ہے۔ نمرتا کی دوست وشال نے کہا ہے کہ نمرتا نے اپنی دوستوں میں آج مٹھائی تقسیم کی تھی اور وہ بہت خوش تھی، نہ جانے کیا ہوا۔ وشال نے کہا کہ نمرتا خوش تھی اور وہ ایسی لڑکی نہیں تھی کو خودکشی کرتی، نہیں پتا کہ کیا ہوا ہے۔

یاد رہے کہ ہاسٹل کے کمرے میں مردہ حالت میں ملنے والی نمرتا کی موت کے بارے میں ڈاکٹرز نے بھی کہا ہے کہ نمرتا کے گلے میں دوپٹا بندھا تھا لیکن اس کے گلے میں رسی کے نشانات ہیں۔ انہوں نے کہا کہ نمرتا کی موت خودکشی نہیں ہے تاہم ابھی حتمی طور پر کچھ نہیں کہا جاسکتا، تفصیلی رپورٹ آنے کے بعد حتمی رائے دی جا سکے گی۔

(جاری ہے)

خیال رہے کہ لاڑکانہ کے چانڈکا میڈیکل کالج کے ہاسٹل سے 22 سالہ طالبہ کی لاش برآمد ہوئی ہے۔

پولیس ذرائع کے مطابق نمرتا کی نعش کو کمرے کا دروازہ توڑ کر نکالا گیا، نمرتا کے گلے میں دوپٹہ بندھا ہوا تھا۔ اس کا تعلق ضلع گھوٹکی سے تھا جبکہ متوفیہ کے والدین کراچی میں رہائش پذیر ہیں۔ چانڈکا میڈیکل کالج کی وائس چانسلر ڈاکٹر انیلہ کےمطابق جس لڑکی کی لاش ملی ہے اس کا نام نمرتا ہے اور وہ بی ڈی ایس فائنل ائیرکی طالبہ تھی۔ وائس چانسلر نے بتایا ہے کہ نمرتا چھٹیوں پر تھی اور آج کل امتحانات کی تیاری میں مصروف تھی اور اسکے گھر والوں‌ کو اس کی وفات کی خبر کر دی گئی ہے اور وہ لاڑکانہ کے لیے روانہ ہوگئے ہیں۔

پولیس ذرائع کے مطابق طالبہ کی ہلاکت کے معاملے کی تحقیقات کے لیے ایس ایس پی لاڑکانہ کی سربراہی میں تحقیقاتی کمیٹی بنائی جائے گی جو کہ تمام پہلوؤں سے معاملے کی چھان بین کرے گی جبکہ میڈیکل کالج میں طالبہ کی ہلاکت کے واقعے کے بعد ہاسٹل نمبر تین کو سیل کر دیا گیا ہے۔ابتدائی تحقیقات کے مطابق لڑکی نمرتا کے گلے پر نشانات بھی ملے تھے۔ پولیس نمرتا کے ساتھ ہاسٹل کے کمرے میں مقیم دیگر طالبات سے بھی بیان لے رہی ہے۔ اور اسکی دوست کے مطابق نمرتا آج بہت خوش تھی۔