روس کی سعودی عرب کو ایس 400 دفاعی میزائل نظام کی پیش کش

اس ڈیفنس سسٹم سے ڈرون اور میزائل حملوں سیبچاجاسکتاہے، روسی صدر پیوٹن

منگل 17 ستمبر 2019 11:55

ماسکو(اُردو پوائنٹ اخبارتازہ ترین - این این آئی۔ 17 ستمبر2019ء) روس نے سعودی عرب پر حملوں کے بعد اسے دفاعی میزائل نظام فروخت کرنے کی پیش کش کردی۔میڈیارپورٹس کے مطابق روسی صدر ولادی میر پیوٹن نے سعودی عرب کو ایس 400 دفاعی میزائل نظام کی پیشکش کرتے ہوئے کہا کہ اس ڈیفنس سسٹم سے ڈرون اور میزائل حملوں سے بچاجاسکتاہے، سعودی عرب چاہے تو اس کی مددکرنے کو تیارہیں۔

(جاری ہے)

روسی صدر پیوٹن نے کہا کہ ترکی اور ایران بھی ہم سے یہ ڈیفنس سسٹم خرید چکے ہیں، ایس400میزائلوں کی دوسری بیٹری گزشتہ روزترکی کیحوالیکی اور وہاں میزائل ڈیفنس سسٹم اپریل2020سیکام شروع کردیگا۔چند روز قبل سعودی عرب کے شہر بقیق میں تیل کے کنوؤں اور پراسسنگ پلانٹ پر ڈرون حملے ہوئے تھے جس کے نتیجے میں شدید مالی نقصان ہوا۔ امریکا نے اس حملے کا الزام ایران پر لگایا ہے تاہم ایرانی حکومت نے یہ الزام مسترد کردیا ہے۔