مشیر خزانہ عبدالحفیظ شیخ سے آئی ایم ایف کے وفد کی ملاقات
وفد کو معاشی استحکام اور ریونیو میں اضافے کے لیے اقدامات پر بریفنگ دی گئی
میاں محمد ندیم منگل 17 ستمبر 2019 13:25
(جاری ہے)
بریفنگ کے دوران مشیر خزانہ نے بتایا کہ کرنٹ اکاﺅنٹ اور تجارتی خسارے میں کمی آرہی ہے، رواں سال نان ٹیکس ریونیو کی مد میں ایک ہزار ارب حاصل ہونے کا امکان ہے‘انہوں نے بتایا کہ سرکاری اداروں کے نقصانات میں کمی کے لیے نجکاری کو تیز کیا جائے گا، نجکاری کی فعال فہرست میں مزید 10 ادارے شامل کیے گئے ہیں.
مشیر خزانہ نے کہا کہ غیر ضروری اخراجات میں کمی اور محصولات میں اضافہ کیا جائے گا، موجودہ سال معاشی ترقی کا ہدف پورا کیا جائے گا. خیال رہے کہ آئی ایم ایف کا وفد گزشتہ روز پاکستان پہنچا تھا، وفد معاشی مشاورت کے لیے پاکستان پہنچا ہے جہاں وہ معاشی اصلاحات پر پاکستان کو تجاویز دے گا اور بجٹ اہداف کے حصول میں بھی معاونت فراہم کرے گا. واضح رہے کہ آئی ایم ایف کا 8 رکنی وفد گزشتہ روز اسلام آباد پہنچا تھا‘وفد کی آمد کے موقع پر حکومت نے بجلی اور گیس صارفین سے 85 ارب روپے کے اضافی ریونیو کے لیے اقدامات تیز کردیے اور ٹیکس اکٹھا کرنے میں خلا کو پر کرنے کے لیے روڈ میپ کو بہتر بنانے کے کام کا بھی آغاز کردیا‘آئی ایم ایف کے وفد کا یہ دورہ دونوں جانب سے ”معمول“ کا دورہ قرار دیا جارہا ہے. وزارت خزانہ کے نمائندے کا کہنا تھا کہ وفد اور مشن چیف برائے پاکستان شیڈول کے مطابق یہاں پروگرام کی نظر ثانی کے لیے موجود ہیں.گزشتہ روز بھی وفد نے وزیر اعظم کے مشیر خزانہ ڈاکٹر عبدالحفیظ شیخ اور وفاقی بورڈ آف ریوینیو (ایف بی آر) کے چیئرمین شبر زیدی سے ملاقاتیں کی تھیں. دورے کے شیڈول کے مطابق وفد 20 ستمبر تک پاکستان میں ہی رہے گا، ایک اور حکام کا کہنا تھا کہ وفد کی ڈاکٹر حفیظ شیخ اور وزارت خزانہ کے اعلیٰ حکام، وزیر منصوبہ بندی خسرو بختیار، پلاننگ کمیشن کے حکام اور وزیر اقتصادی امور حماد اظہر اور ان کی ٹیم سے ملاقات ہوگی. وفد اسٹیٹ بینک آف پاکستان اور دیگر اسٹیک ہولڈرز سے ملاقات کے لیے کراچی جانے سے قبل نیشنل الیکٹرونک پاور اینڈ ریگولیٹری اتھارٹی (نیپرا)، آئل اینڈ گیس ریگولیٹری اتھارٹی (اوگرا) اور سیکیورٹیز اینڈ ایکسچینج کمیشن آف پاکستان کے چیئرپرسنز اور اراکین سے بھی ملاقاتیں کرے گا. وفد سابق وزیر خزانہ اسد عمر کی زیر صدارت چلنے والی قومی اسمبلی کی قائمہ کمیٹی برائے خزانہ سے بھی ملاقات کرے گا.مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.