سینئر وزیر برائے سیاحت عاطف خان کا دورہ اپر دیر

منگل 17 ستمبر 2019 17:11

لوئر دیر (اُردو پوائنٹ اخبارتازہ ترین - اے پی پی۔ 17 ستمبر2019ء) سینئر وزیر برائے سیاحت عاطف خان کا دورہ اپر دیر، سینئر وزیر نے اپر دیر کے پرفضاء مقامات کمراٹ اور جاز بانڈہ میں سیاحتی سہولیات کا جائزہ لیا۔

(جاری ہے)

انہوں نے اس موقع پرمیڈیاسے گفتگوکرتے ہوئے کہاکہ وزیراعظم عمران خان کی خصوصی ہدایت پر کمراٹ کا دورہ کررہا ہوں،وزیراعظم عمران خان اس علاقے کو انفراسٹرکچر سمیت دیگر سہولیات فراہم کرنے اور ترقی دینے میں خصوصی دلچسپی لے رہا ہے، وزیراعظم عمران خان کے دورے کے بعد اس وادی کی قدرتی حسن آشکارہوچکی ہے۔انہوں نے کہاکہ کالام سے کمراٹ اور جاز بانڈہ تک 114 کلومیٹر کوریڈور بنایا جائیگا، کوریڈور سے علاقے میں سیاحتی سرگرمیاں فروغ پائیں گی۔