لاکھ کشمیری اس وقت ایک اجتماعی قبر میں ہیں، ہمیں جلدکوئی فیصلہ کرنا ہوگا،سینیٹر سراج الحق

بدھ 18 ستمبر 2019 14:55

اسلام آباد ۔ (اُردو پوائنٹ اخبارتازہ ترین - اے پی پی۔ 18 ستمبر2019ء) امیر جماعت اسلامی سینیٹر سراج الحق نے کہا ہے کہ دنیا میں اگر کوئی جنت ہے تو وہ کشمیر ہے، 80 لاکھ کشمیری اس وقت ایک اجتماعی قبر میں ہیں، ہمارے پاس وقت کم ہے اور ہمیں جلدکوئی فیصلہ کرنا ہوگا۔ بدھ کو یہاں کشمیر کے بارے میں قومی پارلیمنٹیرین کانفرنس سے خطاب کرتے ہوئے انہوں نے کہا کہ 80 لاکھ کشمیری اس وقت ایک اجتماعی قبر میں ہیں، ہمارے پاس وقت کم ہے اور ہمیں کوئی فیصلہ کرنا ہوگا۔

(جاری ہے)

ہمیں الله پر اعتماد کرتے ہوئے خود ہی آگے بڑھنا ہوگا۔ انہوں نے کہا کہ کشمیریوں نے کشتیاں جلائی ہیں کیا آپ کشتیاں جلانے کے لئے تیار ہیں یا نہیں، جہادکشمیر کامیاب نہ ہوا تو پانی کا ایک قطرہ نہیں ملے گا، آزاد کشمیر اسمبلی کو پورے کشمیر کی اسمبلی ڈکلیئر کرکے اس کا اجلاس نیویارک میں بلایا جائے اور وزیراعظم آزادکشمیر راجہ فاروق حیدر کو پورے کشمیر کا وزیراعظم ڈیکلئر کیا جائے۔۔ انہوں نے کہا کہ حکومت ترکی ، سعودی عرب اور ایران کے درمیان کشیدگی ختم کرائے۔